Bakı/17.05.21/Turan: "Bakelektro" Açıq Səhmdar Cəmiyyətinin işçiləri kimi özlərini təqdim edən bir qrup şəxs "Azərenerji" ASC-nin qarşısında aksiya keçirməyə cəhd edib.
Qasımov Aqil adlı aksiya iştirakçısı bildirdi ki, 1 ildən çoxdur pullarını ala bilmir. ""Bakelektro" şirkətində işləmişik, pulumuzu ala bilmirik. 1 ildir gəlib gedirik. Bu gün, sabah deyib bizi aldadırlar. İndi deyirlər ki, kimə şikayət edirsiz, edin. Şirkətin sahibi Balababa Rzayevdir. Dəfələrlə "Bakelektro" şirkətinə müraciət etmişik, amma nəticə yoxdur".
Aksiya iştirakçıların hamısı polis tərəfindən şirkətin ərazisinə buraxılmasa da, iki nəfərə rəhbərliklə görüşmək üçün "Azərenerji" ASC-nin binasına buraxılıb.
Aksiya insidentsiz başa çatıb.
Məsələ ilə bağlı "Bakelektro" və "Azərenerji" şirkətlərindən münasibət öyrənmək mümkün olmayıb.
Balababa Rzayev 2018-ci ilin sentyabrında "Azərenerji" ASC-nin sədr təyin edilib.
O, 2006-2015-ci illərdə "Bakıelektrikşəbəkə" ASC-nin İdarə Heyətinin Sədri vəzifəsində işləyib. 2015-ci ildə isə "Azərişıq" ASC-nin Sədri vəzifəsinə təyin olunub. –0—
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz