Açiq mənbələrdən foto.
Bakı İnsan Hüquqları Klubu Tofiq Yaqublunun döyülməsində təqsiri olanları cəzalandırmağa çağırıb
Bakı/02.12.21/Turan: Bakı İnsan Hüquqları Klubu İctimai Birliyi (BİHK) dekabrın 1-də Bakıda etiraz aksiyası zamanı polisin əsassız güc tətbiq edərək siyasi fəal Tofiq Yaqubluya fiziki zor tətbiq etməsi və digər fəalların saxlanması zamanı hədsiz güc tətbiq etməsi ilə bağlı öz narahatlığını ifadə edir.
Klubun bəyanatında deyilir ki, insanların sərbəst toplaşmaq hüququnu məhdudlaşdırmaq və polisin əassız güc tətbiq etməsi ciddi qanun pozuntusudur və bu məsələ aidiyyatı dövlət strukturları tərəfindən ədalətli araşdırılmalı və təqsirkar şəxslər cəzalandırılmalı, ölkədə qanunun aliliyi təmin edilməlidir.
BİHK aidiyyatı dövlət qurumlarını Tofiq Yaqubluya fiziki zor tətbiq etmiş şəxs və ya şəxsləri ölkə qanunvericiliyi ilə nəzərdə tutulmuş qaydada cəzalandırmağ çağırır.
* BİHK-nin rəhbəri hüquq müdafiəçisi Rəsul Cəfərovdur. -06D-
Cəmiyyət
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
Rəy yaz