Bakı yollarında sıxlıq başlayır
Bakı/22.04.19/Turan: Bakıda "Formula 1" Azərbaycan "Qran-pri" yarışları ilə əlaqədar paytaxtda Bakı Şəhər Halqası (BŞH) üzrə avtomobil yollarında aprelin 22-dən hərəkət məhdudlaşdırılıb.
Məhdudiyyətlər Neftçilər, Ü.Hacıbəyov, Afiyəddin Cəlilov, Yusif Səfərov, Lermontov, Əhməd Cavad, İstiqlaliyyət və Bünyat Səfərov, Şeyx Şamil, Bülbül, Puşkin, Xaqani, Zərifə Əliyeva, Rəsul Rza, Əziz Əliyev, Niyazi küçə və prospektlərinə, onlarla kəsişən digər yollara da tətbiq edilib.
Yarışlarla əlaqədar həmin küçələrdən keçən 17 marşrut xətti üzrə (1, 2, 4, 5, 6, 18, 31, 37, 46, 53, 61, 65, 77, 88, 125, 205, H1) avtobusların hərəkət sxemində dəyişiklik edilib, avtobuslar alternativ küçələrdən istifadə edəcək.
Həmin istiqamətlər üzrə avtomobillərin hərəkəti əsasən Bakı-Salyan yolunun 14-cü kilometrliyindən 3-cü kənar dairəvi yolla Yasamal rayon ərazisindən keçərək, 20-ci sahə və ona yaxın ərazilərdən isə Badamdar şosesi vasitəsilə tənzimlənir.
Xatırladaq ki, Azərbaycanda "Formula-1" yarışları 2016-ci ildən keçirilir. 2020-ci ildə 5 illik məcburi keçirilməsi müddəti başa çatmalı idi. Amma bu il Azərbaycan tərəf müqavilə bağlamaqla yarışların müddətini daha 3 il uzadıb.
Hökumət bu yarışların keçirilməsini ölkəni tanıtmaq və ölkəyə turist axınını təmin etmək kimi təqdim edir. Bu il yarışların aprelin 26-28-də keçirilməsi nəzərdə tutulur. --0--
-
- Cəmiyyət
- 22 Aprel 2019 12:07
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz