Açiq mənbələrdən foto.
Bakı/07.09.21/Turan: Bakıda və Abşeron yarımadasında çərşənbə günü dəyişkən buludlu hava şəraiti davam edəcək, hava arabir tutulacaq, əsasən yağmursuz keçəcək. Amma bəzi yerlərdə gecə qısamüddətli yağış yağacağı gözlənilir. Güclü şimal-qərb küləyi gündüz şimal-şərq küləyi ilə əvəz olunacaq.
Havanın temperaturu gecə 17-19 dərəcə, gündüz 22-24 dərəcə təşkil edəcək, xəbəri Ekologiya Nazirliyinin sinoptikləri yayıb.
Ölkənin rayonlarında gecə bəzi yerlərdə şimşək çaxacağı, yağış yağacağı gözlənilir. Böyük Qafqazda və Lənkəran-Astara zonasında yağıntı intensiv xarakter daşıyacaq. Günorta yağış kəsiləcək.
Havanın temperaturu aran rayonlarında gecə 19-23, gündüz 24-29 dərəcə, dağlarda gecə 6-11, gündüz 12-17 dərəcə təşkil edəcək. -06D-
Cəmiyyət
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
Rəy yaz