Moskva/27.08.19/Turan: Peterburqun Dzerjin rayon məhkəməsi polisin dəlilləri ilə razılaşıb və Azərbaycan rəhbərliyini tənqid edən bloger Elvin İsayevi Azərbaycana sürgün etmək qərarı verib. Fontanka.ru nəşrinin məlumatına görə, İsayev Rusiyada qalma rejimini pozmaqda təqsirli bilinib. Hazırda o, əcnəbilər üçün təcridxanaya yerləşdirilib.
Amma İsayev özü iddia edir ki, Rusiya vətəndaşlığı var və pasportunu hələ 2001-ci ildə Şimali Osetiyada alıb. Polis isə məhkəməyə Azərbaycan baş konsulluğunun 2015-ci il tarixli İsayevin Rusiya vətəndaşlığı olmaması barədə arayışını təqdim edib.
İsayev Azərbaycan pasportundan 18 yaşında imtina edib və qanuni şəkildə Rusiya vətəndaşlığı alıb, İsayevin vəkili belə deyir. DİN-in məlumatlar bazasına əsasən, İsayev həqiqətən 2001-ci ildə vətəndaşlıq alıb, 2014-cü ildə "yenisi ilə dəyişdirilmiş" pasportu isə etibarlıdır.
İsayev xatırladıb ki, onun iki azyaşlı uşağı, həyat yoldaşı, anası və qardaşları Peterburqda yaşayır, Azərbaycanda isə qalacaq yeri yoxdur. "Fontanka"nın məlumatına görə, blogerin çoxsaylı qohumları Peterburqda qanuni şəkildə, əllərində Rusiya sənədləri ilə yaşayırlar. Bu zaman İsayev müntəzəm olaraq vətənində olur, dörd il ərzində o, demək olar ki, iki ayda bir Bakıya və Lənkərana səfər edib.
İsayev Azərbaycan hakimiyyətini kəskin tənqid edən fəal bloger kimi məşhurdur. -02D-
Cəmiyyət
-
Ötən gün leysan yağışları nəticəsində müqəddəs Məkkə və Mədinə şəhərlərinin küçələrini su basıb. Sel yollara və avtomobillərə ziyan vurub. Səudiyyə Ərəbistanının digər yaşayış məntəqələrini də su basıb.
-
Azərbaycanda uşaq ölümlərinin sayında artım olduğu bildirilir. Ötən il ilə bağlı rəsmi statistika hələ açıqlanmasa da, 2023-cü ildə 1 yaşınadək vəfat edən uşaqların sayı 2 min 39-a çatıb. Bu, 2022-ci illə müqayisədə 2.1 dəfə çoxdur. 1000 diri doğulan körpələrin ümumi sayında 1 yaşınadək vəfat edənlər 18.1 nəfər (1.8 faiz) təşkil edib.
-
Yanvarın 8-də Bakıda və Abşeron yarımadasında yağış yağacaq, bəzi yerlərdə intensiv olacaq. Günorta yağıntı kəsiləcək. Cənub-şərq küləyi əsəcək. Havanın temperaturu gecə 4-8, gündüz 8-11 dərəcə olacaq. Nisbi rütubət 75-85% təşkil edəcək.
-
Könüllülər Yeni il ərəfəsində “Bölüşək, sevindirək!” adlı növbəti xeyriyyə təşəbbüsünü həyata keçiriblər Dünya Azərbaycanlılarının Həmrəyliyi Günü və Yeni il münasibətilə “Azercell Könüllüləri” ənənəvi xeyriyyə aksiyası keçirib. “Bölüşək, sevindirək!” şüarı ilə təşkil olunan bu kampaniya çərçivəsində Könüllülər İkinci Vətən müharibəsinin şəhid və qazi ailələrinin, eləcə də aztəminatlı ailələrin uşaqlarını ziyarət edib və onlara bayram hədiyyələri təqdim ediblər. Ümumilikdə 200-dən çox uşağa bayram hədiyyələri çatdırılıb.
Rəy yaz