Bakı/25.11.17/Turan: Batumidə dünənki yanğın zamanı 10 Gürcüstan vətəndaşı və bir İran vətəndaşı həlak olub, bu barədə Gürcüstan DİN məlumat yayıb.
Zərərçəkmişlər arasında beşulduzlu mehmanxananın 20-dən çox daimi qonağı var. 10 nəfər hələ də həkim müşahidəsi altındadır, onların 4-ü Gürcüstan vətəndaşı, qalanları əcnəbilərdir.
Yüksəkmərtəbəli beşulduzlu "Leoqrand" mehmanxanasının binasında yanğın 24 noyabr saat 20-də başlayıb. İlkin məlumatlara görə yanğın dördüncü mərtəbədə başlayıb. Ventilyasiya sistemi ilə duman qısa zaman ərzində bütün binaya yayılıb.
Yanğın zamanı həlak olanların əksəriyyəti spa mərkəzində idi və dumandan boğulublar. Xilasedicilər və polis 100-dən çox insanı binadan təxliyyə etməyə müvəffəq olub.
Gürcüstan prezidenti və baş naziri Batumidəki yanğını faciə adlandırıblar. Hakimiyyət qısa müddət ərzində araşdırma aparmaq və hadisənin təqsirkarlarını cəzalandırmaq niyyətini bəyan edib. -02D-
Cəmiyyət
-
Polis əməkdaşları tərəfindən gizli sexdə saxta spirtli içkilər hazırlayaraq satış şəbəkəsi quran dəstə üzvlərinə qarşı əməliyyat keçirilib. Nəticədə Mikayıl Abbasov və onun rəhbərlik etdiyi dəstənin üzvləri Fərid Məmmədov, Fərid Haqverdiyev, Əhməd Mikayılov, Mehman Cəfərov və Nurlan Zamanov tutulublar. Bu barədə XİN-in mətbuat xidməti bildirib.
-
Azərbaycan səhiyyə sahəsində əhəmiyyətli bir addım atmağa hazırdır, belə ki, gələn ildən onkoloji xəstəliklərin müalicəsini icbari tibbi sığorta sisteminə daxil etməyi planlaşdırır.
-
Azərbaycanın Milli Hidrometeorologiya Xidməti meteoroloji hadisələr haqqında təxminlərdə rəng şkalasından istifadə edəcək. Bu barədə qurumun nümayəndələrinin bugünki mətbuat konfransında bildirilib.
-
Azərbaycanda bu il iki seçkinin keçiriləcəyi gözlənilir. Söhbət həm parlament, həm də bələdiyyə seçkilərindən gedir. Bələdiyyə seçkilərinin öz vaxtı elə bu ildir. Azərbaycanda sonuncu parlament seçkiləri isə dörd il əvvəl növbədənkənar (altı ay vaxtından əvvəl) keçirilib. Bu, hakim düşərgədə "islahatların sürətləndirilməsi" istəyi ilə izah edilib. Hərçənd, bəzi müxalifət partiyaları onu "seçkinin tez-tələsik saxtalaşdırılması" adlandırıb. Azərbaycanda parlament seçkiləri, qanunvericiliyə əsasən, beş ildən bir keçirilməlidir.
Rəy yaz