Bayılda 16 mərtəbəli yaşayış binasına bitişik köməkçi binada çökmə baş verib
Bakı/22.05.18/Turan: Bakının Bayıl qəsəbəsi Buxta küçəsi, 9 ünvanında sürüşmə prosesindən sonra İbrahim Məmmədov 2-A küçəsində yerləşən 16 mərtəbəli binaya bitişik köməkçi binada çökmə başlayıb. Bu barədə Ekologiya və Təbii Sərvətlər Nazirliyi Milli Geoloji Kəşfiyyat Xidmətinin geoloji planlama ekspedisiyasının rəisi Əziz Qaralov bildirib.
"Çökmə prosesinin 16 mərtəbəli binanın özünə aidiyyatı yoxdur. amma sonradan, bir neçə il əvvəl binanı "irəli" çıxararaq sütunlar qoyublar, boş torpaq üstünə otuzdurulub, nə bilim bərbərxana və s. tikilib. İndi çökmə əlavə yaradılan həmin həmin yerlərdədir. Bir də təkrar edim ki, bunun bütövlükdə binaya aididyyatı yoxdur. Adıçəkilən həmin köməkçi sütunlarıdan biri təxminən 20 santimetr çöküb".
Ə.Qaralov deyir ki, ərazidəki sürüşmənin müntəzəm dəyərləndirilməsi üçün 11 mayak quraşdırılıb. Ərazinin müxtəlif hissələrində quraşdırılan mayaklar vasitəsilə sürüşmə sahəsində dəyişikliklərin olub-olmadığı müəyyənləşdirilir.
Ekspedisiya rəisi bütün sürüşmənin Bayıl yamacında baş verdiyini deyərək bu zonanın tikintilərlə yükslənməsinin əleyhinə olduğunu bildirib.
"2018-ci ilin yanvar ayından Bayıl yamacının bu və ya digər hissəsində sürüşmələr, çökmələr baş verir, bu da təsadüfi deyil. Əsas səbəb də budur ki, ərazi özü sürüşməyə meyllidir, əlavə yüklənmələr, yamacın şaquli kəsilməsi prosesi sürətləndirir".
Qeyd edək ki, Bayıl yamacının tərkib hissəsi olan buxtada yerləşən yaşayış evlərində sürüşmə-çökmə prosesləri mayın əvvllərindən başlayıb, mayın ortalarından proses fəal mərhləyə daxil olub. 3 ev dağılıb, 20-yə qədər evin sakinləri ərazidən köçürülüb.-0-
-
- Cəmiyyət
- 22 May 2018 11:44
-
- İqtisadiyyat
- 22 May 2018 12:45
Cəmiyyət
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
-
Oktyabrın 25-də paytaxtın Nizami rayonundakı “Astoria” mehmanxana kompleksində yanğın baş verib.
Rəy yaz