![Açiq mənbələrdən foto.](https://turan.az/resized/media/2022/main/042200043913-750-500-resize.webp)
Açiq mənbələrdən foto.
Berlində azərbaycanlı siyasi mühacirlər etiraz aksiyası keçiriblər
Bakı/22.04.22/Turan: Aprelin 21-də Almaniyada yaşayan azərbaycanlı siyasi mühacirlər Almaniya Xarici İşlər Nazirliyi, Amnesty International və Human Rights Watch-un ofisləri qarşısında etiraz aksiyaları keçiriblər. Onlar Almaniyadan deportasiya olunmuş və Bakıda həbs edilmiş fəalların azad olunmasını tələb ediblər. Bu barədə DAS Təşkilatının ("Demokratik Azərbaycanı seç!”) üzvü Sirus İbrahimli bildirib.
Onun sözlərinə görə, aksiyada məqsəd 2021-ci ilin iyun-noyabr aylarında Almaniyadan çıxarılmış fəallar: Mütəllim Orucov, Malik Rzayev, Cəfər Mirzəyev və Pünhan Kərimliyə qarşı repressiya faktlarına diqqəti cəlb etməkdir. Onlar Azərbaycanda narkotik maddələrin qanunsuz dövriyyəsi ittihamı ilə həbs edilib və işgəncələrə məruz qalıblar.
Digər fəal, martın 29-da deportasiya olunmuş Samir Aşurov 20 gündən sonra qəsdən sağlamlığa ağır ziyan vurmaq ittihamı ilə həbs edilib.
İbrahimlinin sözlərinə görə, Almaniyada beş nəfərin hamısı Azərbaycanda insan hüquqlarının pozulmasına qarşı etiraz mitinqlərində iştirak edib. Bu, güman etməyə əsas verir ki, onlar siyasi motivlərlə təqib edilirlər.
Mitinqin digər təşkilatçısı Hacı Kalpalizadə bildirib ki, Azərbaycana deportasiya edilənlərin həbsi beynəlxalq hüququn pozulması ilə həyata keçirilib. Odur ki, aksiya iştirakçıları Almaniya Xarici İşlər Nazirliyinə, demokratik dövlətlərin səfirliklərinə və beynəlxalq təşkilatlara müraciət edərək adıçəkilən fəalları siyasi məhbus tanımağa və Bakıdan readmissiya haqqında sazişin prinsiplərinə riayət etməyi tələb etməyə çağırırlar.
Etirazçıların tələbləri Almaniya Xarici İşlər Nazirliyinə, Amnesty İnternational və Human Rights Watch təşkilatının Almaniyadakı ofislərinə göndərilib.
Almaniya hakimiyyəti bu fəalların azad edilməsi üçün müvafiq tədbirlər görməlidir, müraciətin mətnində deyilir. -06D-
-
- Cəmiyyət
- 22 Aprel 2022 16:44
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz