![Beş telekanalın hər biri 600 000 manat alacaq](https://turan.az/resized/750/500/resize/media/2019/main/020500016579.jpg)
Beş telekanalın hər biri 600 000 manat alacaq
Bakı/05.02.19/Turan: Fevralın 5-də Milli Teleradio Şurası ölkənin beş telekanalının hər birinə 600 min manat (təxminən 350 min dollar) ayrılması haqqında qərar qəbul edib.
Maliyyə vəsaiti prezident İlham Əliyevin 17 yanvar tarixli özəl ümumrespublika teleradio yayımçılarına Azerspace-1 peyki vasitəsilə yayımlanma və texniki bazalarının təkmilləşdirilməsi üzrə digər tədbirlərin həyata keçirilməsi üçün birdəfəlik maddi yardım göstərilməsi haqqında sərəncamına uyğun olaraq ayrılır.
MTRŞ yardımı beş özəl telekanal - "Lider TV", "Xəzər TV", "ATV", "ARB24" və "Space TV" arasında bərabər şəkildə bölüşdürmək qərarı qəbul edib. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz