Bakı/16.05.19/Turan: 1 saylı Bakı İstintaq Təcridxanasında saxlanılan Azərbaycan Beynəlxalq Bankı (ABB) ASC-nin idarə heyətinin keçmiş sədri Cahangir Hacıyevin doğmaları ilə görüşünə icazə verilmir. Bununla əlaqədar onun bacısı Əminə Hacıyeva bu gün jurnalistlərin müşaiyəti ilə Penitensiar Xidmətə gedib.
Ə.Hacıyeva bildirib ki, onu Əməliyyat-rejim idarəsinin rəisi Mirsaleh Seyidov qəbul edib. "O, vəziyyətini araşdırmaq üçün yazdığım ərizəni Ədliyyə nazirinin müavini Ceyhun Həəsənova göndərəcəyini (o, eyni zamanda Penitensiar Xidmətin rəisidir) deyib".
"Keçən ilin sentyabr ayından Cahangir Hacıyevə evə zəng vurmaq və ailəsilə görüşmək icazə vermirlər. Müraciətimə cavab olaraq, apreldə mənə Mirsaleh Seyidovun imzası ilə məktub gəlib ki, Bakı İstintaq Təcridaxanasında Cahangir Hacıyevin görüş və telefon danışıqlarına rəhbərlik tərəfindən heç bir məhdudiyyət qoyulmayıb. Lakin fakt ondan ibarətdir ki, 8 aydır mən qardaşımla nə danışa nə də görüşə bilirəm", deyə Hacıyeva bildirib.
"Biz axrıncı dəfə Cahangirlə görüşəndə o da mənə dedi ki, belə sərt münasibətinin səbəbini bilmir. Bu axı insan haqların, qanunların pozulmasıdır. Biz ona ərzağdan başqa heç nəyi göndərə bilmirik. Cahangiri tam təcrid ediblər. Vəkillərinə də təziyqlər var", deyən Hacıyeva qeyd edib ki, onun hüquqları uğrunda mübarizəni davam etdirəcək.
* C.Hacıyev 2015-ci ildə külli miqdarda mənimsəmədə ittiham edilərək həbs edilib. Bakı Ağır Cinayətlər Məhkəməsinin hökmü ilə 15 il müddətinə azadlıqdan məhrum edilib.
Hacıyev və daha 7 nəfər sui-istifadədə, böyük ziyan vurmaqla fırıldaqçılıqda, mənimsəmə və israfda, vəzifə səlahiyyətlərini aşmaqda, rüşvət verməkdə təqsirli bilinib.
2018-ci ilin dekabrında Baş Prokurorluq Hacıyev yeni iş üzrə böyük məbləğdə pulu mənimsımə, cinayət yolu ilə əldə edilmiş vəsaitin leqallaşdırılması, vergi ödənişindəm yayınma və digər maddələrlə ittiham irəli sürüb.
O, ümumilikdə 3,4 milyard dollar və 987 milyon avro məbləğində real dəyəri olmayan veksellərin alınıb/satılması haqqında sövdələşmədə ittiham olunur.
Bundan başqa, istintaqın iddiasına görə, Hacıyevin göstərişi ilə manatla və xarici valyuta ilə ümumilikdə 900 milyon manat məbləğində pul vəsaitinin leqallaşdırılması məqsədilə çoxsaylı kredit müqavilələri bağlanıb. Bu vəsait mənimsənilməsi məqsədilə bankın hesablarından başqa hesablara köçürülüb.
İstintaq Hacıyev keçmiş deputat Dünyamin Xəlilov və digər 20 şəxslə birlikdə 4,7 milyard manatı mənimsəməkdə ittiham edir.
Bundan başqa, istintaqın məlumatına görə, Hacıyev Xəlilovla birlikdə 2011-2014-cü illərdə Aztorq MMC-nin faktiki rəhbərləri olarkən dövlət büdcəsinə 1 mln. 752 min manat məbləğində vergini ödəməyiblər.
Hacıyev və Xəlilov bütün ittihamları təkzib edib. -21С-
Cəmiyyət
-
Noyabrın 8-i Azərbaycanda Zəfər Günü kimi qeyd edilir. Azərbaycan 2020-ci ildə 44 günlük müharibə və 2023-cü ildə birgünlük hərbi əməliyyatla ərazi bütövlüyünü bərpa edib. Azərbaycan, Ermənistan və Rusiya dövlət başçıları arasında atəşkəs bəyanatı imzalansa da, dörd il keçməsinə baxmayaraq, Bakı və Yerevan hələ də sülh müqaviləsi imzalanmayıb.
-
Şənbə günü Bakıda və Abşeron yarımadasında yağış yağacağı, bəzi yerlərdə intensiv olacağı gözlənilir.
-
Azercell Cup 2024 proqramlaşdırma müsabiqəsinin qalibləri üçün beynəlxalq olimpiadalara hazırlıq dərsləri başlayıb. İnformatika üzrə biliklərinin gücləndirilməsi məqsədilə ümumtəhsil müəssisələrinin 6-cı və 7-ci sinif şagirdləri hazırlıq proqamına cəlb olunublar.
-
Lider mobil operatordan “HONOR” cihazları əldə edən abunəçilərə “SuperSən6GB” tarif paketinə iki aylıq abunəlik hədiyyə Azercell noyabr ayının 8-i Zəfər Gününə özəl kampaniyaya start verir. Kampaniya çərçivəsində "Azercell Eksklüziv" və diller mağazalarından HONOR” smartfonu və ya planşeti əldə edən müştərilərə “SuperSən6GB” tarif paketinə iki aylıq abunəlik həddiyə edilir. Qeyd edək ki, kampaniya 229 AZN-dən başlayan cihazlara şamil olunur.
Rəy yaz