Bakı/11.02.20/Turan: Bakı Apellyasiya Məhkəməsində Azərbaycan Beynəlxalq Bankı (ABB) ASC-nin keçmiş rəhbəri Cahangir Hacıyev, sabiq deputat Dünyamin Xəlilov və daha 19 müttəhimin işinə baxılması başa çatıb.
Məhkəmə birinci instansiya məhkəməsinin hökmünü qüvvədə saxlayaraq, C.Hacıyev və D.Xəlilovun cəzasını üç ay azaldıb. Bu, qanunvericilikdə CM-in 179.3 (külli miqdarda mənimsəmə) və 308.2 (vəzifə səlahiyyətlərindən sui-istifadə) maddələri üzrə cəzanın yüngülləşdirməsi ilə əlaqədardır.
Lakin müdafiə bunu yetərli saymır. “Hər iki maddə üzrə maksimum cəza müddəti ümumilikdə 3 ilə endirilib. Odur ki, azalma proporsional olmalıdır. Ancaq Apellyasiya Məhkəməsi bu müddəti yalnız üç ay azaldıb”, - vəkil Fəxrəddin Mehdiyev deyib.
*Cahangir Hacıyev 2015-ci il dekabrın 5-də həbs olunub. Bakı Ağır Cinayətlər Məhkəməsi onu 15 il azadlıqdan məhrum edib. C.Hacıyev və digər yeddi nəfər külli miqdarda ziyan vurmaqla sui-istifadə, dələduzluq, mənimsəmə, israfçılıq, vəzifə səlahiyyətini aşmaq, rüşvət verməkdə təqsirli bilinib.
2018-ci il dekabrın sonunda Baş Prokurorluq bildirib ki, C.Hacıyevə qarşı yeni maddə - külli miqdarda vəsaitin mənimsənilməsi, cinayətkar yolla əldə edilmiş vəsaitin leqallaşdırılması, vergidən yayınma və s. üzrə ittiham irəli sürülüb.
O, real dəyəri olmayan veksellerin alqı-satqısına dair ümumı məbləği 3,4 milyard dollar və 987 milyon avro həcmində sövdələşmələr bağlamaqda ittiham olunur.
C.Hacıyev və D.Xəlilov ittihamları rədd ediblər
2019-cu ilin sentyabrında məhkəmə C.Hacıyev və D.Xəlilovun cəza müddətinə daha bir il yarım əlavə edib. 16C06-
Cəmiyyət
-
Noyabrın 8-i Azərbaycanda Zəfər Günü kimi qeyd edilir. Azərbaycan 2020-ci ildə 44 günlük müharibə və 2023-cü ildə birgünlük hərbi əməliyyatla ərazi bütövlüyünü bərpa edib. Azərbaycan, Ermənistan və Rusiya dövlət başçıları arasında atəşkəs bəyanatı imzalansa da, dörd il keçməsinə baxmayaraq, Bakı və Yerevan hələ də sülh müqaviləsi imzalanmayıb.
-
Şənbə günü Bakıda və Abşeron yarımadasında yağış yağacağı, bəzi yerlərdə intensiv olacağı gözlənilir.
-
Azercell Cup 2024 proqramlaşdırma müsabiqəsinin qalibləri üçün beynəlxalq olimpiadalara hazırlıq dərsləri başlayıb. İnformatika üzrə biliklərinin gücləndirilməsi məqsədilə ümumtəhsil müəssisələrinin 6-cı və 7-ci sinif şagirdləri hazırlıq proqamına cəlb olunublar.
-
Lider mobil operatordan “HONOR” cihazları əldə edən abunəçilərə “SuperSən6GB” tarif paketinə iki aylıq abunəlik hədiyyə Azercell noyabr ayının 8-i Zəfər Gününə özəl kampaniyaya start verir. Kampaniya çərçivəsində "Azercell Eksklüziv" və diller mağazalarından HONOR” smartfonu və ya planşeti əldə edən müştərilərə “SuperSən6GB” tarif paketinə iki aylıq abunəlik həddiyə edilir. Qeyd edək ki, kampaniya 229 AZN-dən başlayan cihazlara şamil olunur.
Rəy yaz