Bakı/11.06.20/Turan: İyunun 2-də sərhədçilər Biləsuvar rayonunun Ağalı kəndi yaxınlığında iki nəfər Azərbaycan vətəndaşından 9 kiloqramdan çox narkotik maddə götürüb.
Dövlət Sərhəd Xidmətinin Mətbuat Mərkəzinin məlumatına görə, Bakı şəhər sakini Tahir Eyvazov və Ağcabədi rayon sakini Rəşad Məmmədovun olduğu avtomobildən ümumi çəkisi 9 kiloqram 350 qram narkotik vasitə (4 kq. 265 qr. heroin, 2 kq. 10 qr. metamfetaminə, 2 kq. 5 qr tiryək, 1 kq. 70 qr. marixuana) aşkar olunaraq götürülüb.
Araşdırma zamanı müəyyən edilib ki, R.Məmmədovun idarə etdiyi avtomobil çalışdığı Bakı Beynəlxalq Dəniz Ticarət Limanına məxsusdur.
Fakt üzrə cinayət işi başlanıb, saxlanılan vətəndaşlar təqsirləndirilən şəxs qismində cəlb olunub və barələrində həbs qətimkan tədbiri seçilib.-03D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz