Bakı/03.05.22/Turan: Bakı İnsan Hüquqları Klubu İctimai Birliyi (BİHK) 01.02.2022-01.05.2022-ci il tarixlərində Qeyri-Hökumət Təşkilatlarına Dövlət Dəstəyi Agentliyinin dəstəklədiyi layihə çərçivəsində vətəndaşlara ödənişsiz hüquqi yardım işini həyata keçirib.
Bu müddət ərzində BİHK-ə 120-dən artıq müraciət daxil olmuş, onlardan 95 iş üzrə birbaşa hüquqi yardım (hüquqi arayış və rəylərin verilməsi, inzibati orqanlara və məhkəmələrə ərizə və şikayətlərin hazırlanması, məhkəmə üçün izahat və vəsatətlərin tərtibi və s.) göstərilmişdir.
Təşkilətın sədri Rəsul Cəfərovun sözlərinə görə, qeyd edilən 95 işdən 20 iş pensiya və müavinət məsələlərinə (pensiya təyinatı, əlilliyin müəyyən edilməsi, sosial müavinətlər, veteranlıq və s.), 18 iş əmək münasibətlərinə (işdən əsassız çıxarılma, arayışların alınması və s.), 17 iş mülkiyyət (daşınmaz əmlaka hüquqların tanınması, mənzil hüququ və s.), 15 iş ailə münasibətlərinə (boşanma, aliment və s.), 14 iş dövlət qurumlarının və hüquq-mühafizə orqanlarının hərəkətsizliyi (cinayət əməlinin təqib edilməməsi, qətnamənin icrasının gecikdirilməsi, əsassız cərimələnmə və s.), 5 iş əfv məsələləri (əfv ərizələrinin yazılması və göndərilməsi), 5 iş öhdəliklərin icrası məsələləri (kredit borclarının hissə-hissə ödənilməsi, möhlət verilməsi və s.), 1 iş təhsil hüququnun təmin olunması (təqaüd ödənişi) məsələsini əhatə etmişdir.
BİHK davam edən işlər üzrə hüquqi yardım fəaliyyətini ictimai əsaslarla hazırda da davam etdirir.—06D-
Cəmiyyət
-
Sentyabr 16-da Mərkəzi Seçki Komissiyası (MSK) növbədənkənar parlament seçkilərinin protokollarını Konstitusiya Məhkəməsinə təqdim etdi. Seçkinin gedişi ilə bağlı bir çox şikayətlər olsa da, MSK heç bir dairədə nəticələrə təsir etməməklə, ümumilkdə 40-dan çox məntəqədə nəticələri ləğv elədi. Bu qurum seçkilərin yüksək səviyyədə keçirildiyini açıqladı. Amma bir sıra müxalifət qüvvələri də bildirdilər ki, seçkilər əvvəlcədən hazırlanan siyahılar əsasında gerçəkləşib.
-
Sentyabrın 18-də Bakıda və Abşeron yarımadasında hava tutqun olacaq, bəzi yerlərdə yağış yağacaq. Şimal-qərb küləyi əsəcək, xəbəri Milli Hidrometeorologiya Xidməti yayıb.
-
Qalib komanda Azərbaycanı ABŞ-də təmsil edəcək Bu il Azərbaycan ilk dəfə olaraq startaplar üzrə ən nüfuzlu dünya çempionatı hesab edilən “Startup World Cup”ın regional tədbirinə ev sahibliyi edəcək. Tədbir ölkənin lider mobil operatoru Azercell-in sponsorluğu ilə sentyabr ayının 19-u ADA Universitetində baş tutacaq.
-
Abunəçilər artıq Azercell-in Eksklüziv ofisləri ilə yanaşı, diler ofislərində də rəqəmsal şəxsiyyət vəsiqəsilə rahat və operativ xidmətdən yararlana bilərlər Abunəçilərinə ən yaxşı müştəri təcrübəsini təqdim etməyi hədəfləyən “Azercell Telekom” MMC artıq bütün satış və xidmət mərkəzlərində rəqəmsal şəxsiyyət vəsiqəsinin tanınmasını təmin edib. 16 sentyabr 2024-cü il tarixindən etibarən müştərilər Azercell Eksklüziv ofisləri ilə yanaşı, diler mağazalarında da rəqəmsal şəxsiyyət vəsiqəsi ilə istənilən əməliyyatı həyata keçirə bilərlər. Bunun üçün “mygov” tətbiqində şəxsiyyət vəsiqəsinə aid QR kodu və ya 8 simvollu unikal kodu təqdim etmək kifayətdir.
Rəy yaz