Açiq mənbələrdən foto.
Binəqədi rayonunda baş vermiş partlayışla əlaqədar xəstəxanaya yerləşdirilənlər evə buraxılıb
Bakı/03.01.23/Turan: Yanvarın 2-də Bakının Binəqədi rayonunda çoxmərtəbəli binada baş vermiş partlayışla əlaqədar iki zərərçəkən TƏBİB-in (Tibbi Ərazi Bölmələrini İdarəetmə Birliyi) tabeliyindəki Şəhər Kliniki Tibbi Mərkəzinə aparılıb. Bu barədə Turan-a TƏBİB-dən bildiriblər.
Bir kişi və qadın lazımi tibbi yardım göstərildikdən sonra evə buraxılıb.
Sağ ayağı və başı sıyrılmış digər zərərçəkənə hadisə yerində tibbi yardım göstərilib.
Partlayışla əlaqədar Bakı Şəhər Təcili və Təxirəsalınmaz Tibbi Yardım Stansiyasının 5 briqadası cəlb olunub, TƏBİB-dən bildirilib.
Xatırladaq ki, məişət qazının sızması nəticəsində baş vermiş partlayış zamanı bir nəfər, Bakıdakı polis bölmələrindən birində sürücü işləyən Məhəmməd Babayev həlak olub.06B
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz