Açiq mənbələrdən foto.
Bakı/27.12.22/Turan: Vəkil Nemət Kərimli bazar ertəsi Binəqədidə İnzibati Qaydada Həbs Olunanların Müvəqqəti Saxlanılması Məntəqəsində Demokratik Qüvvələrin Milli Şurasının və Müsavat Partiyasının üzvü Tofiq Yaqubluya baş çəkib.
Vəkilin sözlərinə görə, Yaqublu özünü normal hiss edirdi, amma həbsi ilə əlaqədar aldığı müalicəni dayandırmaq məcburiyyətində qalıb.
Yaqublu ona evdən gələn bağlamaların məhdud sayda buraxılmasından şikayətlənib. Bundan başqa, o, həbs edilmiş narkomanlarla birlikdə saxlanılır.
Ona əynini dəyişmək üçün verilən paltarları da məhdudlaşdırıblar, dəsmal buraxmayıblar. Nəhayət, ona ailə üzvləri ilə görüş verilmir.
Öz növbəsində Yaqublunun qızı Nigar Həzi atasına qarşı yeni cinayət işi hazırlanması ehtimalı olduğunu bildirib. 16В06
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz