Açiq mənbələrdən foto.
Bakı/16.05.22/Turan: Mayın 16-da bir qrup dəmiryolçu "Azərbaycan Dəmir Yolları" Qapalı Səhmdar Cəmiyyətinin binası qarşısında etiraz aksiyası keçirib. Onlar əməkhaqlarının az olmasına etiraz ediblər.
Aksiya iştirakçısı Təranə Hümbətova bildirib ki, 32 ildir bələdçi işləyir.
"Pandemiya vaxtı bizi işdən çıxardılar və 329 manat maaş verirdilər. Bu iki il ərzində hamının maaşı artdı, bizimki artmadı. İki aydır artırıb 372 manat ediblər, amma indi çağırıb deyirlər ki, məbləğin üçdə ikisini alacaqsınız. Məcburi qol çəkdirdilər. İndi 200-250 manata yaşayan var? Burada toplaşanların hamısının uşaqları var, kreditləri var, kirayədə qalanı var",- o qeyd edib.
Aksiya iştirakçılarının bəzisinin fikrincə, onların yerinə başqalarını götürmək istəyirlər. .
Şikayətçilərin qarşısına çıxan "Azərbaycan Dəmir Yolları" Qapalı Səhmdar Cəmiyyətinin Sərnişin daşımaları Departamentinin rəisi Elyar Muradov deyib ki, bu addım Əmək Məcəlləsinə uygun atılıb.
Onun sözlərinə görə, koronavirus pandemiyası ilə bağlı dəmir yolunda boşdayanmalar yaranıb. Əməkdaşlar iki il ərzində əməkhaqlarını tam alıblar, indi isə yəni mayın 1-dən boşdayanmaya cəlb ediliblər. Boşdayanma dövründə Əmək Məcəlləsinə uygun olaraq əməkhaqqının üçdə ikisi ödənilir.Əmək Məcəlləsinə uygun olaraq onlar əvvəl 370 manat alırdılarsa, indi əməkhaqları 248 manat müəyyən edilib.
Polis dəstələri gəldikdən sonra aksiya iştirakçılarını rəsmi şəxslərin qəbuluna müşayiət ediblər.—21B-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz