Əlizamin Salayev
Bakı/04.08.21/Turan: 17 saylı cəzaçəkmə müəssisəsində cəza çəkən Xalq Cəbhəsi Partiyasının üzvü Əlizamin Salayevin xəstəxanaya yerləşdirilməsinə ehtiyac var. Bu barədə onun oğlu Oqtay Salayev bildirib.
Onun sözlərinə görə, atasının səhhətində ciddi problemlər var. Cəzaçəkmə müəssisəsində sıxlıq ürək xəstəliyini ağırlaşdırıb və onun gündə 3-4 dəfə ürəktutmaları olur, deyə fəalın oğlu iddia edir.
Bu zaman Salayev Penitensiar Xidmətin Müalicə Müəssisəsinə köçürülmür.
Oğlu hesab edir ki, onu qəsdən etiraza təhrik edirlər ki, avqustun 6-da vaxtından əvvəl şərti azadlığa buraxılması haqqında şikayətinə baxılması ərəfəsində karserə salsınlar.
Bununla belə, avqustun 3-də vəkil Elçin Sadıqov Salayevin yanına buraxılmayıb.
Penitensiar Xidmətin ictimaiyyətlə əlaqələr şöbəsindən Salayevə tibbi yardım göstərilməməsi haqqında iddiaları təkzib ediblər, onun səhhətində problem olmadığını qeyd ediblər.
Vəkilin məhbusla görüşünə gəlincə, idarədən qeyd ediblər ki, müdafiəçilərin məhbuslarla görüşmələrində problem yoxdur.
“Sadəcə olaraq riayət olunmalı olan müəyyən prosedur qaydaları var”, deyə Penitensiar Xidmətin nümayəndəsi qeyri-müəyyən şəkildə bildirib.
* Əlizamin Salayev 2020-ci il aprelin 20-də yerli polis zabitinin şikayəti əsasında Salyan Rayon Məhkəməsinin hökmü ilə “böhtan” və “təhqir” ittihamı ilə 2 il 3 ay müddətinə azadlıqdan məhrum olunub. İddiaya Salayevin internetdə yaydığı, polislə söhbətində onu 21 yaşlı yerli sakini onunla birgə yaşamağa təhrik etməkdə ittiham etdiyi video səbəb olub.
Salayev hüquq müdafiəçiləri tərəfindən siyasi məhbus kimi tanınıb. -03B06-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz