Bakı/16.07.18/Turan: Paytaxtın Nəsimi rayonunda Cəlil Məmmədquluzadə küçəsində avtomobil yolunun çəkməsinin səbəbi onun tamamilə sökülməmiş obyektin üzərində tikilməsi olub. Belə ki, 5-6 metr dərinlikdə yarı sökülmüş dəmir beton konstruksiya aşkar edilib, deyə Dövlət Avtomobil Yolları Agentliyinin məlumatında bildirib.
Mənbənin məlumatına görə, sözügedən yerdə köhnə bina tamamilə sökülməyib. Buna görə sökülmüş binanın zirzəmisi üzərindəki yol çöküb.
Asfaltın çökdüyü yerdə yol "Bakı Metropoliteni" QSC-nin sifarişi ilə çəkilib və Dövlət Avtomobil yollarının balansında deyil, deyə məlumatda bildirilir.
Beləliklə, bu "tikintiyə" görə məhz hansı idarənin məsuliyyət daşıdığı məsələsi açıq olaraq qalır. -06D-
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz