![“Criminal.az” saytı kiberhücuma məruz qalıb](https://turan.az/resized/media/2020/main/012300024143-750-500-resize.webp)
“Criminal.az” saytı kiberhücuma məruz qalıb
Баку/23.01.20/Turan: “Criminal.az” saytı kiberhücuma məruz qalıb, nəticədə 400-dən çox məqalə və yazı silinib. Bu barədə Turan agentliyinə saytın rəhbəri Anar Məmmədov məlumat verib.
Onun sözlərinə görə, müdaxilə yanvarın 20-də saat 14.27-30 aralığında baş verib.
“Bu, sadəcə kobud haker hücumu deyildi. Şifrəni sındırdıqdan sonra admin-panelə giriblər və 400-dən çox yazını məqsədyönlü şəkildə siliblər”, - A.Məmmədov bildirib.
20 yanvar iş günü olmadığından o, müdaxiləni ertəsi gün görüb.
“Nə baş verdiyini anlayınca bunun xarici müdaxilə olduğunu bildik, qeydlər də məqsədyönlü şəkildə silinib” deyən A.Məmmədov qeyd edib ki, mütəxəssislər nəşrləri bərpa etməyə çalışırlar. O, hadisəni tənqidi materialların dərcinə görə özünə təzyiq kimi qiymətləndirir.
A.Məmmədov Baş Prokurorluq, DİN, DTX, Xüsusi Dövlət Mühafizə Xidmətinə və Rabitə Nazirliyinə müraciət edərək baş verənlərin araşdırılmasını və günahkarların cəzalandırılmasını xahiş edib.
Xatırladaq ki, yanvarın 10-da sosial şəbəkələrdə A.Məmmədovun hansısa oliqarxın sifarişi ilə vəhşicəsinə döyülməsi barədə saxta məlumat yayılmışdı. Jurnalist DİN rəhbərinə müraciət etmişdi.
Yanvarın 13-də nazir Vilayət Eyvazov onu qəbul edib və hadisənin araşdırılacağına söz verib.
Yanvarın 10-da A.Məmmədov Ağdam rayonunda iş adamı Məlahət Qurbanovanın ona qarşı iddiası üzrə məhkəmə iclasında olub. M.Qurbanova “böhtan” və “təhqir”ə görə jurnalistin həbs olunmasını tələb edib.
A.Məmmədov təqsirli kimi tanınarsa onu 2 ilədək azadlıqdan məhrumetmə cəzası və üstəgəl 2018-ci ilin iyulunda baş vermiş Gəncə hadisələri haqda yazılara görə şərti olaraq çəkdiyi 5,5 il müddətinə həbs cəzası gözləyir. –06D-
-
- İqtisadiyyat
- 23 Yanvar 2020 12:43
-
- İqtisadiyyat
- 23 Yanvar 2020 13:29
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz