Bakı/27.10.21/Turan: Dindar Səbuhi Səlimovun ailəsi onun taleyinə görə narahatdır.
O, oktyabrın 20-də saxlanılıb və həmin vaxtdan etibarən ailə üzvləri onun haqqında məlumat ala bilmirlər.
Dindar oktyabrın 20-də qızının Hökməli qəsəbəsində yerləşən evindən aparılıb, evdə axtarış aparılıb. Bu barədə dindarın həyat yoldaşı Fatimə Səlimova bildirib.
Onun sözlərinə görə, axtarış zamanı əməkdaşlar mobil telefon, kompüter, dindarın nəvəsinə məxsus planşeti götürüblər.
Bundan başqa, Bakıda dindarın öz evində axtarış aparılıb.
Səbuhi Səlimovla birlikdə kürəkəni də saxlanılıb. Amma sonradan o, sərbəst buraxılıb.
"İndiyədək bizim Səbuhi haqqında heç bir məlumatımız yoxdur. Onun başına nə gəldiyini bilmirik. O, Birinci Qarabağ müharibəsinin iştirakçısıdır. Sağlamlığına ciddi şəkildə ziyan vurub. Bir neçə il əvvəl ürək əməliyyatı keçirib, 4 damarı dəyişdirilib. Son vaxtlar onun damarlarda tıxanma nəticəsində ürəktutmaları olurdu. Səbuhi çox xəstə idi və onun əsassız olaraq həbsdə saxlanılması vəziyyətini ağırlaşdıra bilər", deyə F.Səlimova qeyd edib.
Onun sözlərinə görə, dindar heç bir təşkilata üzv deyil.
Əvvəllər o, Bakının mərkəzində "Hacı Cavad" məscidinə gedirdi, "Sovetski" bölgəsinin abadlaşdırılması layihəsi çərçivəsində bu məscid sökülüb.
"Həyat yoldaşım adi dindar, vətənpərvərdir. Keçən il o, 4 dəfə müharibəyə aparılması üçün hərbi komissarlığa gedib. Amma səhhəti ilə əlaqədar onu aparmayıblar. O, heç bir təşkilata üzv deyildi, həmişə ədalətin tərəfdarı olub və kiminsə hüquqlarının pozulduğunu görəndə heç vaxt susmayıb", deyə F.Səlimova bildirib.
DTX-dən şərh almaq mümkün olmayıb.
Son günlər bir neçə şiə ilahiyyatçı və dini fəal qısa müddətlik saxlanılıb.
İlahiyyatçı Sərdar babayevə qarşı isə CM-in 274-cü (dövlətə xəyanət) maddəsi ilə cinayət ittihamı irəli sürülüb. -06D-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz