Bakı/21.06.17/Turan: Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, iyunun 20-si axşam şimal və qərb rayonlarından başlayaraq iyunun 21-i səhərədək ölkə ərazisində hava şəraiti qeyri-sabit keçib, şimşək çaxıb, yağış yağıb, bəzi yerlərdə leysan xarakterli olub, dolu düşüb, güclü şimal-qərb küləyi əsib. Yağan leysan yağış nəticəsində çaylarda sululuq artıb.
Milli Hidrometeorologiya Departamenti bildirir ki, Göygöl, Daşkəsən, Goranboy rayonunun Qaraçinar, Zeyvə, Şəfəq kəndləri, Ağstafa, Naftalan, Gədəbəy, Daşkəsən rayonunun Quşçular kəndinə dolu düşüb. Şimal-qərb küləyi Daşkəsən, Ağstafa, Şəmkir, Qazıməmməd, Tərtər, Gəncə, Abşeron yarımadasında və Abşeron dəniz rayonunda arabir güclənib.
Yerli sakinləır Turanın müxbiri ilə telefon söhbətində güclü külək və dolu düşməsi nəticəsində çoxsaylı Göygöl və Daşkəsən rayonlarında evlərin dam örütüyünün sıradan çıxdığını, çoxsaylı avtomobillərə ziyan dəydiyini, ağacların aşdığını deyib.
"Dolu evlərimizin dam örtüyünü deşik-deşik edib, əkin sahələrimizi sanki şumlayıb, ağaclarda meyvə qalmayıb. Dolu qonşularımın avtomobillərinin dam örtüyünü əyib, şüşələrini sındırıb. Kənd məktəbinin 30-dan çox pəncərəsinin şüşələri sınıb", deyə Göygöl rayonun sakini Turan-a bildirib.
Gəncə şəhər İcra Hakimiyyətinin başçısı Elmar Vəliyev Hacıkənd qəsəbəsində olub, ziyan dəymiş evlərə baş çəkib,
Dəyən ziyanın miqdarını müəyənləşdirmək və fəsadları aradan qaldırmaq üçün Fövqəladə Hallar Komissiyalarının üzvləri yerlərdə işləyir. -03B-
-
- İqtisadiyyat
- 21 İyun 2017 12:18
-
- Maliyyə
- 21 İyun 2017 13:14
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz