Açiq mənbələrdən foto.
Bakı/11.06.20 / Turan: Vəkillər Kollegiyası Rəyasət Heyəti vəkil Cavad Cavadova xəbərdarlıq edib. Bu barədə Kollegiyanın məlumatında bildirilir.
Səbəb iyunun 7-də “Yeni Yasamal” yaşayış massivində saxlanılan Kərim Süleymanlı haqqında məlumatların yayılmasıdır.
“Kərim Süleymanlı adlı şəxs İnzibati Xətalar Məcəlləsinin müvafiq maddəsi əsasında saxlanılıb, sonra buraxılıb. Vəkil Cavad Cavadov müqavilə əsasında vətəndaş Süleymanlıya hüquqi yardım göstərir.
İyunun 9-da Cavad Cavadov sanki jurnalist kimi K.Süleymanlıdan müsahibə götürüb və aldığı məlumatları sosial şəbəkələrdə yayıb. Bununla da geniş ictimaiyyətdə yanlış fikir formalaşdırmağa xidmət edib”, - Vəkillər Kollegiyası hesab edir.
C.Cavadovun hərəkətləri “Vəkillər və vəkillik fəaliyyəti haqqında” qanuna və vəkillərin davranış qaydaları haqqında əsasnaməyə ziddir.
C.Cavadov Rəyasət Heyətinə dəvət olunub və ona qanun çərçivəsindən kənara çıxmamaq barədə xəbərdarlıq edilib. Yuxarıda qeyd olunan hərəkətlər bundan sonra da davam edərsə, onun barəsində daha ciddi tədbirlər görüləcək, məlumatda bildirilir.
C.Cavadov Turan-a Kollegiyaya çağırıldığını təsdiq edib, lakin şərh verməyib.
Qeyd edək ki, K.Süleymanlı iyunun 8-də sözügedən yaşayış massivində polisin qalmaqallı xüsusi əməliyyatı zamanı saxlanılan şəxslərə qarşı işgəncələrdən danışıb.
K.Süleymanlı polisin mənzildə saxlayaraq geyinməyə imkan verməyib evdən yarıçılpaq vəziyyətdə çıxardığı Elvin Süleymanlının qardaşıdır.–06D-
Cəmiyyət
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
Rəy yaz