Bakı/16.04.18/Turan: Nazirlər Kabineti "Məhkum edilmiş və ya barəsində qətimkan tədbiri seçilmiş şəxslərə tətbiq edilən elektron nəzarət vasitələrinin siyahısının və onların tətbiqi qaydalarının təsdiq edilməsi haqqında" qərarına əsasən "Məhkum edilmiş və ya barəsində qətimkan tədbiri seçilmiş şəxslərə tətbiq edilən elektron nəzarət vasitələrinin siyahısı" təsdiqlənib. Bu barədə Nazirlər Kabinetindən bildiriblər.
Qərara görə, məhkum edilmiş və ya barəsində qətimkan tədbiri seçilmiş şəxslərə elektron qolbaq, mobil nəzarət qurğusu, ev nəzarət stansiyası və ev siqnal ötürücüsü kimi 4 vasitə tətbiq edilir.
Elektron qolbaq şəxsin ayağına bağlanılır, coğrafi yerdəyişməni izləyir və monitorinq mərkəzinə məlumat ötürür.
Mobil nəzarət qurğusu elektron qolbaqla birgə istifadə edilən vasitədir. Bu qurğu daim şəxsin yanında olur, qolbaqdan daxil olan izləmə məlumatlarını eyniləşdirərək montorinq mərkəzinə ötürür.
Ev nəzarət stansiyası isə elektron qolbaqla birgə istifadə edilən, şəxsin yaşadığı evdə quraşdırılan elektron cihazdır. Bu, bir və ya bir neçə qurğudan ibarət ola bilər.
Evdə quraşdırılan ev siqnal ötürücüsü isə elektron qolbaqdan daxil olan siqnalları mobil nəzarət qurğusuna ötürən elektron vasitədir.
Xatırladaq ki, 2017-ci ildə Azərbaycanda cəzanın humanistləşdirilməsi ilə bağlı fərman verilib. Həmin fərmanda məhkum və barəsində həbs qətimkan tədbiri seçilmiş şəxslərin izlənməsi üçün elektron vasitələrdən istifadə edilməsi əksini tapır. Bu elektron cihazların tətbiqinin 2018-ci il aprelin 15-dən başlanması nəzərdə tutulurdu.--0--
Cəmiyyət
-
Dövlət qurumlarının müraciətləri əsasında Tarif (Qiymət) Şurası son iclasında bir sıra sahələrdə qiymət artımına qərar verib. Yanvarın 2-də açıqlanan bəyanata əsasən, ilk dəfə olaraq su təchizatı və tullantı sularının axıdılması sistemlərinə qoşulma üçün tariflər təsdiqlənib. İndiyə qədər bu xidmətlər dövlət tənzimlənməsi olmadan, müxtəlif məbləğlərlə həyata keçirilirdi. Təsdiq edilmiş tariflər:
-
Azərbaycan 2025-ci ili qədim ənənələrin və müasir bayramların rəngarəng qarışığı ilə qarşıladı. Bu tədbirlər xalqın zəngin mədəni irsini və gələcəyə yönəlmiş arzularını əks etdirdi. Geniş ailə süfrələrindən parlaq ictimai tədbirlərə qədər qeyd etmələr keçmişlə indinin unikal sintezini nümayiş etdirdi.
-
2025-ci ilə qədəm qoyduqca, dünya müxtəlif sahələrdə əhəmiyyətli inkişaflarla qlobal mənzərəmizi yenidən formalaşdırmağa hazır olan həlledici bir mərhələdə dayanır.
-
Avstraliyalı demoqraf və sosioloq Mark Makkrindl “Beta Nəsli”nin yaranmasını təsvir edib — o, bu demoqrafik qrupu 2025-2039-cu illər arasında doğulan insanlar kimi müəyyənləşdirərək, qlobal nəsil kimliyində yeni bir fəsil açıldığını vurğulayıb.
Rəy yaz