Əfqan Muxtarlının ailəsi zərərçəkmiş statusu almaq istəyir

Tbilisi/13.06.17/Turan: Mayın 29-da Tbilisidə oğurlanmış və zorla Azərbaycana göndərilmiş azərbaycanlı jurnalist Əfqan Muxtarlının ailəsi Əfqan Muxtarlı və həyat yoldaşı Leyla Mustafayevanın zərərçəkmiş kimi tanınması tələbi ilə məhkəməyə müraciət edib, xəbəri Apsny.ge yayıb.

Ailənin vəkili Arçil Çopikaşvili Tbilisi şəhər məhkəməsinə müvafiq ərizə verib. Vəkil qeyd edib ki, Muxtarlının işinin araşdırılması səmərəsiz aparılır.

"Zərərçəkmiş statusu qanunvericilikdə nəzərdə tutulmuş bütün hüquqlardan faydalanmağa imkan verəcək.

Üç həftədir ki, istintaq aparılır, amma yalnız indi iş materialları ilə tanış olmaq mümkün olub.

Ən əsası odur ki, istintaq yüngül maddə ilə açılıb, bir halda ki, oğurlanma artıq ağır nəticələrə səbəb olub. Oğurlanma mütəşəkkil qrup tərəfindən həyata keçirilib, bu qrupun rəhbəri var idi və o hesabat alırdı. İş düzgün tövsif edilməlidir", deyə Çopikaşvili bildirib.

Vəkilin sözlərinə görə, hadisədən iki həftə sonra işdə hələ də indiyədək olan suallar qalır.

"Xüsusən, oğurluğu kim həyata keçirib və belə bir cinayəti törətmək kimin köməyi ilə mümkün olub?", deyə vəkil bildirib. -02D-