Əfqan Sadıqov. Açiq mənbələrdən foto.
Bakı/04.02.21/Turan: "Azel.tv" saytının rəhbəri, 93 sutkadır ki, qida qəbulundan imtina edən Əfqan Sadıqov ağır vəziyyətdədir. Bu barədə onun xanımı Sevinc Sadıqova bildirib. Fevralın 3-də o, Penitensiar Xidmətin müalicə müəssisəsində həyat yoldaşı ilə görüşüb.
"Əfqanın vəziyyəti ağır olaraq qalır. Onu görüşə əlil arabasında gətirdilər. Əlləri çox əsir. Təzyiqi çox aşağıdır. Boru vasitəsilə məcburi qidalandırırlar. Həkimlər deyirlər ki, bu üsulla uzunmüddətli qidalanma ölümcül təhlükəli ola bilər. Eyni zamanda sistem qoşublar. Əfqan qida qəbulundan imtina edir, çünki onun barəsində ədalətsiz hökmə etiraz etmək üçün başqa yolu yoxdur. O deyib ki, sona qədər mübarizə aparacaq", - S.Sadıqova Turan agentliyinə bildirib.
Onun sözlərinə görə, müxtəlif instansiyalara, o cümlədən ombudsmana müraciətlər nəticəsiz qalıb.
* “Azel. TV” saytının rəhbəri Əfqan Sadıqov ötən ilin mayında hədə yolu ilə tələb etmə ittihamı ilə həbs edilib. Noyabrın 3-də məhkəmə onu yeddi il müddətinə azadlıqdan məhrum edib. O, hökmü ədalətsiz hesab edərək noyabrın 4-dən etiraz əlaməti olaraq aclıq elan edib. Yanvarın 28-də Apellyasiya Məhkəməsi cəza müddətini 6 ilədək azaldıb.
Yerli hüquq müdafiəçiləri onu siyasi məhbus kimi tanıyıblar. —16B-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz