EGE Hospitalda Oqtay Gülalıyevin başının MRT-si çəkilib /YENİLƏNİB/

Bakı/06.08.21/Turan: EGE Hospital özəl klinikasında Oqtay Gülalıyevin başının MRT-si çəkilib və baş beyində hər hansı yeni pozuntu aşkar edilməyib. Həkimlər onun vəziyyətinin pisləşməsinin qastronomik borunun düşməsi nəticəsində qarın boşluğunda yaranan problemlərlə əlaqədar olduğu barədə nəticəyə gəliblər. Fəalın müayinəsi davam etdirilir. -06D-

*   *   *

2021 Avqust 06 (Cümə) 14:42:34

Oqtay Gülalıyev EGE Hospitala aparılır /YENİLƏNİB/

Bakı/06.08.21/Turan: Azərbaycan Tibb Universitetinin Cərrahiyyə Kompleksində kompüter tomoqrafiyası aparatı nasaz vəziyyətdə olduğuna görə hüquq müdafiəçisi Oqtay Gülalıyev müayinə üçün EGE Hospitala aparılır. -06D-

*   *   *

2021 Avqust 06 (Cümə) 13:14:23

Oqtay Gülalıyev ATU-nun Cərrahiyyə Kompleksinə yerləşdirilib

Bakı/05.08.21/Turan: Hüquq müdafiəçisi Oqtay Gülalıyevin vəziyyəti stabil ağır olaraq qalır. Bu gün müayinə edilməsi və vəziyyətinin pisləşməsinin dəqiq diaqnozunun qoyulması üçün onu M.A.Topçubaşov adına Elmi-Cərrahiyyə Mərkəzindən Azərbaycan Tibb Universitetinin Cərrahiyyə Kompleksinə köçürüblər.

Müayinə nəticələrindən asılı olaraq, müalicənin harada davam etdiriləcəyi barədə qərar qəbul ediləcək.

Dünən, qastronomik boru düşdükdən sonra hüquq müdafiəçisinin vəziyyəti pisləşib. Gündüz onun temperaturu kəskin şəkildə yüksəlib. Həkimlərin ilkin ehtimallarına görə, buna qarın boşluğuna infeksiya düşməsi səbəb olub. -0-