![Açiq mənbələrdən foto.](https://turan.az/resized/media/2021/main/081000036706-750-500-resize.webp)
Açiq mənbələrdən foto.
Ekoloq: Şirvan Milli Parkında yaralı ceyran məsuliyyətsizlikdən ölüb
Bakı/10.08.21/Turan: “Şirvan Milli Parkının əməkdaşları yaralı ceyranın ayaqlarını bağlayıb qamışlığa atıblar. Ceyran qamışlıqda ölüb. İndi deyirlər ceyranı canavar yaralayıb. Elə isə, bəs ceyranın ayaqlarını da canavar bağlayıb?”. Bu barədə hazırda qoruq ərazisində olan Ekofront təşkilatının rəhbəri Cavid Qara Turan agentliyinə bildirib.
“Dünən uğursuz güllə yarası aldığını iddia etdiyimiz ceyranın hekayəsi belədir. Ayağına kəndir bağlayıb qamışlığa atıblar. Böyük ehtimal diri-diri ayalarını bağlayıb atıblar. Səhər tezdən, saat 9-da artıq Milli Parkda idik. Hay-həşir düşdü. Gözətçi, yəqin ki, rəhbərliklə danışırdı. Bizə dedilər ki, dünən gecə ceyranı açıb buraxdıq sahəyə. Ceyranlarla gəzirdi. Axtarıb tapmağa çalışdıq. Milli parkın maşını ilə 2 saata yaxın vaxtımızı aldılar. Ehtimal edilən yerlərə baxmaq adı ilə bizi yanlış yönəltdilər.
Sonda bunun vaxt itkisi olduğunu anladıq. Öz məntiqimizlə axtarmağa başladıq. Çətin oldu, amma ölmüş ceyranı tapdıq. Onun ayaqları bağlı idi”, deyə Cavid Qara qeyd edib.
Ekofront təşkiltaının rəhbəri ayaqları bağlı halda tapdıqları ceyranla bağlı video da paylaşıb.
Rəsmi qurumlar milli parkın ərazisində ceyranın ov tüfəngi ilə yaralanması və ya vəhşi heyvan tərəfindən yaralanaraq öldürülməsi, yaxud qoruq əməkdaşlarının səhlənkarlığından ölməsi barədə hələ məlumat yaymayıb.
Şirvan Milli Parkı 2003-cü il iyulun 5-də təşkil edilib. Milli Park Bakı şəhərinin Qaradağ rayonunun, Salyan və Neftçala rayonlarının inzibati ərazilərində yerləşir və 54373,5 hektar ərazini əhatə edir.
Milli Parkın ərazisində yaşayan ceyranlar “Qırmızı kitab”a düşüb. -03B-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz