Писатель Акрам Айлисли
Bakı/09.01.19/Turan: Azərbaycan hüquq-mühafizə orqanlarının məhdudiyyəti səbəbindən yazıçı Əkrəm Əylisli yanvarın 8-də Vaşinqtonda kitabının təqdimat mərasimində iştirak edə bilməyib.
Yazıçı Turan-ın müxbirilə söhbətində bildirib ki, ABŞ-da onun kitabı "Əlvida, Əylis" adı ilə ingilis dilində nəşr edilib. Kitaba "Yəmən", "Daş yuxular", "Möhtəşəm tıxac" və "Əlvida, Əylis" romanları daxildir.
Yazıçı açıqlama verib ki, "Əlvida Əylis" qeyri-ənənəvi romandır, Azərbaycan və rus dillərində nəşr olunmayıb, ilk dəfə ingilis dilində işıq üzü görüb.
Müəllif bu əsəri "etiraf" adlandırıb. Roman lirik tonda yazılıb və "Daş yuxular"ın nəşrindən sonra təqiblərə məruz qalan müəllifin mənəvi yaşantılarını əks etdirir. Bu yaşantılar "Daş yuxular"ın qəhrəmanının hissləri ilə oxşardır.
Yazıçı altı ildir ki, dəvət aldığı beynəlxalq ədəbi tədbirlərə gedə bilmir. O, müalicə üçün də ölkədən çıxmaq imkanlarından məhrumdur.
Yazıçı yaradıcılıq işini davam etdirməsilə bağlı sualın cavabında deyib: "Səhhətimlə bağlı ciddi problemlər var, altı ildir ki, məni yaradıcılıqla məşğul olmağım xilas edir".
81 yaşlı yazıçı Azərbaycanın baş prokuroruna müraciət edərək müalicə olunmaq üçün ölkədən çıxışına icazə verilməsini xahiş edib. Ancaq məsələ həllini tapmayıb.
Yaşlı yazıçının guya Bakı aeroportunda Sərhəd Xidmətinin əməkdaşını döyməsilə bağlı ona qarşı açılmış cinayət işi hələ bağlanmayıb.
"Görünür, bu işi ona görə açıblar ki, mən İtaliyaya ədəbi tədbirə gedə bilməyim. 2,5 il keçib, ancaq iş hələ də bağlanmayıb", - Ə.Əylisli bildirib.
Bu günlərdə o, İsveçrəyə ədəbi tədbirə getmək imkanlarından da məhrum edilib.-06B-
Cəmiyyət
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
Rəy yaz