Açiq mənbələrdən foto.
Bakı/13.07.22/Turan: Bu gün Ali Məhkəmə hüquq müdafiəçisi və jurnalist Elçin Məmmədin cəzasının üçdə birini çəkməsi ilə əlaqədar şərti azadlığa buraxılmasından imtina barədə Bakı Apellyasiya Məhkəməsinin qərarından verdiyi kassasiya şikayətini təmin etməyib.
*”Sumqayıt Gənclərinin Hüquqi Maarifləndirilməsi" qeyri-hökumət təşkilatının rəhbəri və "Yüksəliş naminə" saytının redaktoru Elçin Məmməd 2020-ci ilin martında həbs edilib. Həmin il oktyabrın 17-də Sumqayıt Şəhər Məhkəməsi onu "oğurluqda" və "qanunsuz olaraq silah-sursatın saxlanılmasında" təqsirli bilərək 4 il müddətinə azadlıqdan məhrum edib.
Amnesty International, PEN, FİACAT və digər beynəlxalq təşkilatlar Elçin Məmmədin həbsini pisləyiblər. Yerli hüquq müdafiəçiləri onu siyasi məhbus kimi tanıyıblar.
Ötən ilin oktyabrında Sabunçu Rayon Məhkəməsi Məmmədi cəzasının üçdə bir hissəsini çəkməsilə əlaqədar şərti olaraq vaxtından əvvəl azad etməkdən imtina edib. Sonradan Bakı Apellyasiya Məhkəməsi bu qərarı qüvvədə saxlayıb. Ali Məhkəmə bu gün Məmmədin kassasiya şikayətini təmin etməyib.
Qeyd edək ki, iyulun 1-də Bakının Sabunçu Rayon Məhkəməsi Məmmədin həbs müddətinin yarısını çəkdikdən sonra şərti olaraq vaxtından əvvəl azadlığa buraxılmasından imtina edib.
Onun vaxtından əvvəl azadlığa buraxılmasına dair müraciətinə baxılması ərəfəsində iyunun 27-də Elçin Məmməd aclıq elan edib. Lakin iyulun 6-da vəziyyətinin kəskin pisləşməsindən sonra bir sıra xroniki xəstəliklərdən əziyyət çəkən fəal aclığı dayandırmağa məcbur olub. 03b06
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz