Bakı/02.08.19/Turan: Avqustun 2-də Bakı Apellyasiya Məhkəməsində Faiq Qasımovun sədrliyi ilə Müsavat Partiyasının Gənclər Təşkilatının sədri Elman Quliyevin apellyasiya şikayətinə baxılıb.
O, iyulun 29-da Müsavat Partiyasının həbs edilmiş fəalı Azad Həsənova dəstək üçün keçirilmiş aksiyada saxlanılıb.
Elə həmin gün Nəsimi rayon məhkəməsinin qərarı ilə Quliyev 30 günlük həbs edilib. Məhkəmə onu İnzibati Xətalar Məcəlləsinin 535.1-ci (polis nümayəndəsinin qanuni tələblərinə tabe olmama) maddəsi ilə təqsirli bilib.
Apellyasiya Məhkəməsində təhqiqat zamanı vəkil Osman Kazımov etiraz aksiyasından videogörüntülərə baxılması barədə vəsatət qaldırıb.
Vəkil hesab edir ki, videogörüntülər obyektiv dəlildir və həqiqəti ortaya çıxaracq. "Videoda görünür ki, Elman Quliyev və digər şəxslər qanun pozuntusuna yol vermir. Əksinə, polis əməkdaşları kobud davranır, söyüş söyür", deyə vəkil bildirib.
Hakim Qasımov vəsatəti təmin etməyib.
Quliyev öz çıxışında ittihamı qəbul etməyib.
Fəal bildirib ki, Nərimanov rayon 21-ci Polis Bölməsində onun müdafiə hüququ pozulub, vəkillə təmin edilməyib.
Bu, məhkəmədə də davam edib, burada da o, vəkil seçmək hüququndan məhrum edilib.
Quliyev həmçinin bildirib ki, təcridxanada özünü DİN-in Mütəşəkkil Cinayətkarlığa qarşı Mübarizə Baş İdarəsinin polkovniki kimi təqdim edən şəxs onun yanına gəlib. Ona yaxşı maaş və imkanlarla əməkdaşlıq təklif edilib. Quliyev təklifi qəbul etmədikdə həmin şəxs onu inzibati həbs müddəti başa çatdıqdan sonra ona qarşı cinayət işi açılacağı və bu dəfə uzun müddətlik həbsə salınacağı ilə hədələməyə başlayıb.
Vəkil Kazımov bununla əlaqədar məhkəmədən Quliyevin təhlükəsizliyinin gücləndirilməsi barədə qərar qəbul etməyi xahiş edib.
Amma hakim nə bu vəsatəti, nə də şikayətin özünü təmin etməyib. -16D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz