Elmar Hüseynov
Elmar Hüseynov yaşasaydı, bu gün 54 yaşı tamam olacaqdı
Bakı/17.07.21/Turan: Bu gün 2005-ci il martın 2-də qətlə yetirilmiş mərhum jurnalist Elmar Hüseynovun 54-cü doğum günüdür. Cəsur jurnalistə qarşı bu cinayətin üstü hələ də açılmayıb.
Elmar Hüseynov jurnalist və bir sıra media layihələrinin - Azərbaycan hakimiyyətinin siyasətinin, sistemli korrupsiyanın, güc qurumlarının və məmurların özbaşınalığının, insan hüquqlarının pozuntusunun kəskin tənqidi yer alan qəzet və jurnalların rəhbəri idi.
Bu nəşrlər arasında ən məşhuru "Monitor" jurnalı idi.
O, dəfələrlə təhdid alıb, cinayət təqibinə məruz qalıb, həbsə atılıb. Xarici dövlətlərin siyasi sığınacaq vermək təkliflərinə baxmayaraq, Azərbaycanda qalıb və ölənə qədər peşə fəaliyyətini davam etdirib.
Elmar Hüseynov yaşadığı evin pilləkənlərində tapançadan açılan yeddi atəşlə öldürülüb. İstintaqa cəlb edilmiş türk müstəntiqlər cinayətin üstünü açdıqlarını bildiriblər. Amma onlar ölkədən göndəriliblər. Hakimiyyət qətlin Gürcüstanda yaşayan etnik azərbaycanlılar Tahir Xubanov və Teymuraz Əliyev tərəfindən törədildiyini bəyan edib.
Azərbaycan hakimiyyəti iddia edir ki, bu şəxslər barəsində İnterpol vasitəsilə axtarış elan edilib, amma Gürcüstan hakimiyyəti bunu təkzib edib. Faktiki olaraq iş səssiz-sədasıız ört-basdır edilib və adı çəkilən şəxsləri heç kim axtarmayıb.
Həmin vaxt DİN polkovniki Hacı Məmmədovun rəhbərlik etdiyi cinayətkar qrupun qətldə əli olduğu barədə versiya var. Hacı Məmmədov sonradan çoxsaylı qətl və oğurluqlara görə ömürlük həbsə məhkum edilib və həbsxanada vəfat edib. -06D-
-
- Media
- 17 İyul 2021 11:46
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz