Elnur Hüseynzadə Azərbaycana qayıtmaq istəmir?  (YENİLƏNİB)

Şuşa şəhərindən Ermənistana aparılmış Azərbaycan vətəndaşı Elnur Hüseynzadə Vətənə qayıtmaq istəmir. Bu barədə Ermənistan KİV separatçı rejimin nümayəndələrinə istinadən məlumat yayıb.

Mənbənin məlumatına görə, E.Hüseynzadə "cəzasını çəkdikdən sonra azad edilib", "lakin Vətənə qayıtmaq istəmir".-0-

****

2019 Fevral 05 (Çərşənbə axşamı) 20:01:03

Azərbaycanlı girov Şuşadan Ermənistana aparılıb

Bakı/05.02.19/Turan: Ermənistan tərəfin girov olaraq saxladığı 1995-ci il təvəllüdlü Azərbaycan vətəndaşı Elnur Elman oğlu Hüseynzadə fevralın 2-də Şuşadan Ermənistana aparılıb.

Bu barədə Azərbaycanın Hərbi Əsirlərin, Girovların və İtkin Düşmüşlərin İşləri üzrə Dövlət Komissiyası müvafiq beynəlxalq təşkilatlardan daxil olan məlumata istinadla bildirib.

Hüseynzadənin saxlanıldığı andan etibarən müvafiq beynəlxalq təşkilatlar qarşısında onun azad edilməsi məsələsi qoyulub və hazırda bu istiqamətdə zəruri işlər davam etdirilir.

Hüseynzadə 2017-ci il fevralın 1-də işğal edilmiş ərazilərdə erməni hərbiçiləri tərəfindən saxlanılıb və separatçı rejimin qanunsuz məhkəməsinin qərarı ilə azadlıqdan məhrum edilib.

Dilqəm Əsgərov və Şahbaz Quliyev də işğal edilmiş DQ-də saxlanılır, onlar da uzunmüddətli azadlıqdan məhrumetmə cəzasına "məhkum ediliblər".

Azərbaycanda diversiya-təxribatçılıq fəaliyyətinə görə cinayət məsuliyyətinə cəlb edilmiş 3 erməni hərbiçisi saxlanılır.

Bakı əsirləri "hamı hamı ilə" prinsipi ilə dəyişdirməyi təklif edib. Amma Ermənistan tərəfi bundan imtina edir. -06D--