Bakı/20.12.17/Turan: AFFA-nın (Azərbaycan Futbol Federasiyası Assosiasiyası) baş katibi Elxan Məmmədov Azərbaycanın İspaniya Futbol Federasiyasına sponsorluq etməsi barədə bu ölkənin mətbuatında yayılan məlumatları təkzib edib.
O, İspaniya mətbuatının məlumatını "marketinq gedişi" adlandırıb. "Bu, marağın artırılması üçün marketinq gedişidir. Əgər bizim bu qədər pulumuz olsaydı, Azərbaycan çempionatında 8 yox, 14 klub iştirak edərdi", - o jurnalistlərə bildirib. -0-
* * *
2017 Dekabr 20 (Çərşənbə) 17:03:52
KİV: Azərbaycan İspaniya Futbol Federasiyasının baş sponsoru ola bilər
Bakı/20.12.17/Turan: İspaniyanın "AS" nəşri bildirib ki, Azərbaycan İspaniya Futbol Federasiyasının (RFEF) baş sponsoru ola bilər.
Nəşr məlumat verib ki, beş il müddətinə nəzərdə tutulan müqavilə 50 mln. avro təşkil edir və İspaniya federasiyasının tarixində ən iri sponsor sövdələşməsi olacaq.
Azərbaycanın hansı təşkilatının sponsor sazişini imzalamaq niyyətində olduğu açıqlanmır.
Sövdələşmə ötən şənbə günü bağlanmalıydı. Son anda RFEF nümayəndələri Bakıya səfəri ləğv etməli olublar. Buna səbəb İspaniya yığmasının 2018-ci ildə Rusiyada keçiriləcək Dünya Çempionatından kənarlaşdırılması ola bilər. Məsələ bundadır ki, İspaniya hökumətinin milli federasiyanın işlərinə müdaxiləsi FIFA-nın xoşuna gəlməyib. Federasiyanın prezidenti Anxel Mariya Vilyar (1988-ci ildən təşkilata rəhbərlik edir) 2017-ci ilin mayında səkkizinci dəfə bu posta seçilib. İyun ayında korrupsiyaya görə həbs edilmişdi. İspaniya İdman Şurası yeni prezident seçkisinin keçirilməsini təklif edib ki, bu da FIFA-nın narazılığına səbəb olub və İspaniya yığmasını Dünya Çempionatından kənarlaşdırmaqla hədələyib.
"AS" yazır ki, İspaniya yığmasının çempionatda iştirakının FIFA tərəfindən təsdiqlənməsi Bakı üçün müqavilənin imzalanmasından ötrü şərtdir. -71D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz