Lachin border checkpoint
Bakı/09.08.23/Turan: Avqustun 9-da Qarabağ və Ermənistan erməniləri Laçın yolunun yük və sərnişin daşınmasına bağlanmasına qarşı birgə aksiya keçirmək üçün Yerevan və Xankəndidən iki avtomobil karvanı ilə Həkəri çayı üzərindəki sərhəd postuna gəlmək niyyətindədir. Rəsmi Bakı ermənilərə təklif edir ki, onlar üçün açıq olan Ağdam yolu ilə daşımaları həyata keçirsinlər, ancaq ermənilər oraya beton bloklar düzüblər və beləliklə, Qarabağın erməni əhalisinin yaşadığı hissəni blokadaya almış olublar.
Aksiyada 200-ə yaxın adamın, hər kolonda təxminən 100 iştirakçının olacağı gözlənilir. Ermənistan hökuməti və Qarabağ separatçılarının faktiki rəhbərliyi aksiyaların təşkilində iştirak etmir, lakin onların keçirilməsinə də mane olmur. Avqustun 8-də Yerevanda polis Paşinyandan Laçın yolunun açılması üçün tədbir görməyi tələb edərək ictimai sakitliyi pozan fəalları saxlayıb, ancaq tezliklə sərbəst buraxıb.
Yerevandan Kornidzora-Azərbaycan sərhədinin qarşısındakı sonuncu erməni yaşayış məntəqəsinə kolon maneəsiz çatacaq və yarım aya yaxındır ki, orada dayanan 21-ci yük maşınına (emənilərə ərzaq daşıyan) qoşulacaq. Xankəndidən karvanın hərəkəti isə çətindir, çünki Xankəndi və Şuşa arasındakı yolda Azərbaycan polisinin nəzarət-buraxılış məntəqəsi qurulub.
Rusiyalı sülhməramlılar bir qrup ermənini avtoyürüşdə müşayiət etməkdən imtina ediblər.
Xankəndidən kolonun təşkilatçısı, Daşnaksütyun İnqilab Partiyasının sədri Artur Osipyanın fikrincə, onu pisləyən erməni siyasi qüvvələr çətin vəziyyətdən çıxış yolu təklif etmirlər. O hesab edir ki, milyarder və qarabağlı keçmiş məmur Ruben Vardanyan Qarabağ ermənilərinin emosiyaları ilə oynayaraq Ermənistana getmək və orada öz hakimiyyətinin məsələsini həll etmək niyyətindədir.
"Bu siyasi qüvvələr bizim təşəbbüsümüzü hər vəchlə uğursuzluğa düçar etməyə çalışırlar, əvəzində isə heç nə təklif etmirlər. Mövcud beş partiyadan biri deyir ki, "gəlin, Azərbaycana təslim olaq", qalanları isə Dağlıq Qarabağı aclığa aparırlar, onların konkret təklifi yoxdur, heç bir iş görmürlər. Mən onlara, Ruben Vardanyana və onun komandasına müraciət edirəm: zəhmət olmasa, deyin görək, yürüş əvəzinə nə etmək lazımdır?»
İki avtomobil yürüşünün təşkilatçıları təmas xətlərilə kəsişməyəcəklərini vəd edirlər. Onlar ehtiyat edirlər ki, Azərbaycan cavab avtoyürüşü təşkil edə bilər və erməni tərəfinin nəzarətində olan ərazilərə gəlib çata bilər.
Rəsmi Bakı ermənilərin etiraz aksiyası keçirmək planlarını şərh etməyib.--0—
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz