Ermənistan Rusiya qoşunlarını Azərbaycanla sərhəddə dəvət edir

Bakı/22.02.21/Turan: Yerevan və Moskva Gümrüdə (Ermənistan) yerləşən Rusiyanın 102-ci bazasının Azərbaycanın sərhədlərinə çıxarılmasının mümkünlüyünü  müzakirə edirlər.

"Yəqin ki, Rusiya hərbi bazasının tərkibindən (onun genişlənməsini nəzərə alaraq) hər hansı qoşun birləşməsinin Ermənistanın şərq istiqamətinə köçürülməsinin mümkünlüyündən danışmaq daha doğru olardı və bu kontekstdə məsələnin üzərində birgə müvafiq iş aparılır”,- respublikanın müdafiə naziri Vaqarşak Arutyunyan RİA-ya müsahibəsində deyib.

Ermənistanın şərq hissəsi Azərbaycanın qərb sərhəddidir, 2020-ci il müharibəsinin yekunlarına əsasən bərpa edilib.        

“Rusiya hərbi bazasının Ermənistan Respublikasının ərazisində genişlənməsi və möhkəmlənməsi hər zaman gündəmdə olub və erməni tərəfi hər zaman bunda maraqlı olub, ən azı bu sadə səbəbdən ki, baza tam tərkibdə Ermənistan və Rusiya Silahlı Qüvvələri birləşmiş qoşun (qüvvələr) qruplaşmasına daxildir. Və bazanın imkanlarının genişləndirilməsi Qafqaz kollektiv təhlükəsizlik regionunda kitərəfli əsasda fəaliyyət göstərən birgə qruplaşmanın potensialını artıra bilərdi”, - nazir açıqlama verib.  

Bundan əlavə, Arutyunyanın sözlərinə görə, Ermənistanda olan Rusiya sərhədçilərinin üzərinə Ermənistan Respublikasının Azərbaycan ilə sərhəddinin qorunmasının və təhlükəsizliyinin təmin edilməsi üzrə əlavə funksiyalar qoyulub.

«Mən şübhə etmirəm ki, bizim dövlətlərin sərhəd xidmətlərinin xətti ilə sıx və qarşılıqlı fəaliyyət qurulub, Ermənistandakı rusiyalı sərhədçilərin üzərinə qoyulmuş büün vəzifələr ən yüksək səviyyədə yerinə yetiriləcək”, - Arutyunyan deyib.

"Qarabağda münaqişəyə qədər (2020-ci ilin payız müharibəsi –Turan) Rusiya FTX Sərhəd İdarəsinin Ermənistandakı şəxsi heyəti Müstəqil Dövlətlər Birliyinin Ermənistan Respublikası ərazisilə keçən sərhəddinin təhlükəsizliyinə və mühafizəsi üzrə vəzifələrin icrasına cavabdeh olub. Bu gün vəziyyət xeyli dəyişib”, - nazir qeyd edib.

102-ci Rusiya bazasının hissələrinin Azərbaycan sərhəddinə çıxarılması və RF sərhəd qoşunlarının gücləndirilməsindən başqa Yerevan silahlı yerli sakinlərin hesabına hərbi qruplaşmanı möhkəmləndirmək niyyətindədir. 

Ermənistan parlamentindən gələn məlumatlara  görə, Azərbaycanla həmsərhəd erməni kəndlərinin sakinlərinə avtomat-tüfəng gəzdirməyə icazə verən qanun qəbul edilir. Beş ildən çox ov tüfənginə malik olan şəxsə hərbi silah daşımaq hüququ veriləcək.  

Bu təşəbbüs həmin kəndlərin sakinlərinin təkcə ov ilə aktiv məşğul olmasına yox, həm də sərhəddə yaranmış yeni şəraitdə əlavə müdafiə hiss etmələrinə imkan verəcək. Silah gəzdirməyə icazə veriləcək kəndlərin siyahısı bir qədər sonra dərc ediləcək, parlamentin “Mənim addımım” fraksiyasından deputat Armen Xaçatryan bildirib.

09.02.20-ci il tarixli birgə bəyanatın yekunlarına əsasən Azərbaycan ərazisində  Rusiyanın 1960 hərbi qulluqçusu, 90 zirehli transportyor, 380 ədəd avtomobil və xüsusi texnikadan ibarət hərbi kontngenti yerləşib.

Ermənistanın müdafiə naziri deyir ki, 102-ci baza bölməsinin “şərq sərhəddinə” yenidən yerləşdirilməsi Ermənistanda ikinci Rusiya hərbi bazasının açılması deyil.  Lakin faktiki olaraq söhbət Ermənistanda Azərbaycanla sərhəddə yerləşəcək ikinci Rusiya bazasının yaradılmasından gedir. Coğrafi mövqe göstərir ki, əgər Gümrüdəki əvvəlki baza Ermənistanı Türkiyə SQ-dən qorumağa yönəlibsə, “şərqdəki” ikinci baza Azərbaycan ordusunun hipotetik zərbəsinin dəf edilməsi və (və ya) Azərbaycana hərbi təcavüzün həyata keçirilməsi vəzifəsini həll edəcək.

Eskalasiyanın yaranmasına səbəb erməni kəndlərinin silahlı “dinc sakinləri” tərəfindən azərbaycanlı sərhədçilərin atəşə tutulması və azərbaycanlı hərbçilərin cavab atəşi ola bilər.  Erməni kəndli silahlı vurularsa, Azərbaycan Ermənistanda dinc sakinlərin öldürülməsində ittiham ediləcək.

Gümridə yerləşən 102-ci Rusiya hərbi bazası Ermənistan-Türkiyə dövlət sərhəddinin təhlükəsizliyini təmin edir. 2010-cu ildə Ermənistan-Rusiya dövlətlərarası sənədə dəyişiklik edilib və buna uyğun olaraq onun qalma müddəti ilkin 25 ildən 49 ilədək, 2044-cü ilə qədər uzadılıb

Bazanın iki qarnizonu var: Gümrüdə (Yerevandan 126 km. şimalda) və Yerevanda. Hərbi baza ilə qonşuluqda “8-ci şəhərcik” yaşayış məhəlləsi yerləşir. Burada hərbi quluqçuların aiələləri – 4000-ə yaxın adam yaşayır. Hərbi bazanın aviasiya komponneti “Erebuni” aerodromunda yerləşir. —0—