Açiq mənbələrdən foto.
Bakı/02.12.21/Turan: Dekabrın 2-də Bakının Səbail rayon məhkəməsi dekabrın 1-də Saleh Rüstəmovun azad edilməsi tələbi ilə keçirilən etiraz aksiyası zamanı saxlanılan beş fəalın inzibati qaydada həbsi barədə qərar çıxarıb.
Belə ki, Xalq Cəbhəsi Partiyasının Rəyasət Heyətinin üzvü İlham Hüseyn 30 gün, partiya fəalı Elçin Teymurov və Elxan Əliyev müvafiq olaraq 25 və 20 gün;
Birinci Qarabağ müharibəsinin veteranı Səyad Quliyev 15 gün, gənc fəal Rüstəm İsmayılbəyli isə 30 gün həbs cəzası alıb.
Onlar hamısı İnzibati Xətalar Məcəlləsinin 211.1-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsi ilə təqsirli bilinib.
Xatırladaq ki, dekabrın 1-də polis həbsdə uzun müddətdir aclıq edən Saleh Rüstəmovun azad edilməsi tələbi ilə keçirilən aksiyanın qarşısını qəddarlıqla alıb.
40-dan çox insan saxlanılıb. Saxlanılanların əksəriyyəti sonradan sərbəst buraxılıb. Amma beş nəfər polis bölmələrində saxlanılıb və bu gün məhkəməyə çıxarılıb.
Bundan başqa, saxlanılanların bəziləri polis tərəfindən döyülüb.
Müxalif siyasətçi Tofiq Yaqublu xüsusi amansızlıqla döyülüb. -16B06-
Cəmiyyət
-
Vəkil Aqil Layıc Bakı Apellyasiya Məhkəməsinin sədri Mübariz Əkbərovu idarəçilikdə özbaşınalıqda ittiham edərək, Prezident İlham Əliyevdən müdaxilə etməyi xahiş edib. Layıc öz narahatlığını Facebook paylaşımında ifadə edərək bildirib ki, Əkbərovun rəhbərliyi altında hüquqi müdafiə “formal səviyyəyə” endirilib.
-
İnnovasiya və sürət lideri “Bakcell” inklüzivliyə dəstək strategiyası çərçivəsində "Birgə və Sağlam" İctimai Birliyi tərəfindən yaradılan “Kaşalata” kafedə “İnnovasiyalarla Müxtəlifliyə Doğru” adlı tədbir təşkil edib. Tədbirin məqsədi "Bakcell" ilə “Birgə və Sağlam” İctimai Birliyi arasındakı tərəfdaşlığın qeyd olunması və kafedə çalışan gənclərlə görüş olub.
-
Azərbaycan Nazirlər Kabineti 1999-cu ildə təsdiq edilmiş və yol hərəkəti qaydalarının pozulmasına görə cərimələrdən əldə edilən vəsaitlərin bölüşdürülməsinə dair qaydalara düzəlişləri təsdiq edib. 2025-ci il yanvarın 23-də imzalanan və №14 saylı qərar formasında rəsmiləşdirilən bu dəyişikliklər, Bakı şəhərinin inzibati ərazisində yol hərəkətinin idarə edilməsinin təkmilləşdirilməsi ilə bağlı prezident fərmanlarına uyğunlaşdırma məqsədi daşıyır.
-
Yanvarın 25-də paytaxtda hava dəyişkən olacaq. Gecə və səhər yerlərdə zəif yağıntı olacaq. Şimal-qərb küləyi əsəcək. Havanın temperaturu gecə müsbət 4 +6, gündüz müabət 7 + 10 dərəcə, rütubət 70-80 faiz olacaq.
Rəy yaz