Bakı/27.11.17/Turan: Prezident İlham Əliyev Cinayət-Prosessual Məcəlləsinə düzəlişlər haqda qanun layihəsini parlamentə təqdim edib. Düzəlişlər ev həbsinin tənzimlənməsinə aiddir.
Əsasən CM-in 163-cü maddəsinə (ev həbsi) əlavələr təklif olunub. Belə ki, ev həbsinə məruz qalan şəxsə kütləvi tədbirlər təşkil etmək və onlarda iştirak etmək, məhkəmənin müəyyən etdiyi ərazini tərk etmək, müəyyən şəxslər ilə əlaqə yaratmaq qadağan olunur.
Eyni zamanda alkoqolizm, narkomaniya, toksimaniya və zöhrəvi xəstəliklərdən müalicə kursları keçməyə icazə verilir.
Həmçinin müttəhimin üzərinə zəruri davranış və cəmiyyətdən qismən təcrid olunmanı təmin edən digər öhdəliklər qoyulur.
Şəxs stasionar müalicə üçün yerləşdirilərsə müvafiq tibb müəssisəsi ev həbsinin icra olunduğu yer sayılır.
Qanun layihəsinin dekabrın 1-də Milli Məclisin plenar iclasına çıxarılacağı gözlənilir. 06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz