![Əvf siyasi məhbuslar problemini həll etmədi](https://turan.az/resized/750/500/resize/media/2018/main/052500010444.jpg)
Əvf siyasi məhbuslar problemini həll etmədi
Bakı/25.05.18/Turan: Dünənki əvf fərmanı Azərbaycanda siyasi məhbus problemini həll etməyib, hüquq müdafiəçiləri belə hesab edirlər.
"Azərbaycan Xalq Cümhuriyyətinin 100 illiyi ilə əlaqədar verilmiş əfv fərmanı ümidləri doğrultmadı. 160-dan çox siyasi məhbusdan cəmi 12 nəfər azad edildi", deyə Siyasi Məhbusların Monitorinqi Mərkəzinin rəhbəri Elşən Həsənov bildirib.
Əvf Qobustan həbsxanasında 20 ildən çox ömürlük həbs cəzası çəkən keçmiş zabitlərə şamil edilməyib.
Onlar mühakimə edilərkən ömürlük həbs cəzası olmamasına baxmayaraq, onlar bu cəzaya məhkum edilib. Həmin vaxt ölüm cəzasının alternativi 15 il azadlıqdan məhrumetmə idi.
ReAl hərəkatının sədri İlqar Məmmədov da azad edilməyib, baxmayaraq ki, onun barəsində Avropa İnsan Hüquqları Məhkəməsinin qüvvəyə minmiş iki qərarı var.
Jurnalistlər, blogerlər, hələ 2007-ci ildə həbs edilmiş "Səid Dadaşbəylinin qrupu"nun üzvləri həbsdə qalıblar.
"Biz, keçmiş siyasi məhbuslar bu əvfin demokratik prinsiplərin tələblərinə və insan hüquqları sahəsində bəyan edilmiş islahatlara uyğun olmadığını hesab edirik", deyə Həsənov qeyd edib.
Öz növbəsində, "Siyasi Məhbuslarsız Azərbaycan" İctimai Alyansının rəhbəri Oqtay Gülalıyev dünənki əvfi "imitasiya" adlandırıb.
Belə ki, əvf olunan 12 siyasi məhbusun 4-nün cəza müddətinin bitməsinə cəmi 7 gün qalırdı. Daha bir siyasi məhbus - Xalq Cəbhəsi Partiyasının fəalı ağır xəstədir. Digər bir siyasi məhbusun - Elşad Rzayevin cəza müddətinin bitməsinə bir neçə ay qalırdı.
Gülalıyevin fikrincə, bir neçə ay ərzində yerli və beynəlxalq ictimaiyyət Azərbaycan hakimiyyətinin qarşıda duran "böyük əvf" vədləri ilə aldadılırdı.
Fəalın fikrincə, əfv, demək olar ki, siyasi məhbusları əhatə etməyib.
"Hakimiyyət bu addımı ilə bir daha göstərdi ki, güclü təzyiq olmadığı müddətcə onlar siyasi məhbus problemini həll etməyəcəklər", deyə Həsənov bildirib. -06D--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz