Fəalı ölümlə hədələyən şəxs saxlanılıb
Bakı/14.01.20/Turan: Polis əməkdaşları sosial şəbəkələrdə ictimai fəal Bəxtiyar Hacıyevi hədələyən şəxsi saxlayıblar. Bu barədə Bakı Şəhər Baş Polis İdarəsinin məlumatında bildirilib.
Yasamal rayonu polis əməkdaşları özünü ABŞ vətəndaşı Turan İsmayılov kimi təqdim edən şəxsi saxlayıblar. Saxlanılan şəxs paytaxtın Suraxanı rayonunda qeydiyyatda olan Azərbaycan vətəndaşı Elman Bağırovdur (1989-cu ildə anadan olub).
O, Cinayət Məcəlləsinin 182.2.2-ci maddəsi (hədə-qorxu ilə tələb etmə) ilə axtarışda olub. Faktla bağlı araşdırma aparılır.
Öz növbəsində B.Hacıyev operativ reaksiya və görülən tədbirlərə görə polisə təşəkkürünü bildirib.
Xatırladaq ki, yanvarın 13-də Bəxtiyar Hacıyev təhlükə barədə bildirib. Onun sözlərinə görə, naməlum şəxs Whatsapp-a zəng edərək onu öldürməklə hədələyib.
B.Hacıyevin parlament seçkilərində deputatlığa namizədliyi qeydiyyata alınıb.–21D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz