![Açiq mənbələrdən foto.](https://turan.az/resized/media/2021/main/080500036525-750-500-resize.webp)
Açiq mənbələrdən foto.
Feministlər polisdə məruz qaldıqları fiziki və mənəvi təzyiqlər barədə məlumat veriblər
Bakı/05.08.21/Turan: Ötən gün Xəzər rayon polisinin binası qarşısında etiraz aksiyası zamanı saxlanılmış feministlər polisdə onlara qarşı fiziki təzyiqlər barədə məlumat veriblər.
Saxlanılanlardan biri Gülnarə Mehdiyeva bildirib ki, idarədə onu döyüblər, "nalayiq sözlər"lə təhqir ediblər.
"Elmir İbrahimov adında əməkdaş iki dəfə yumruqla qarnımdan vurdu. Sonra bizi müxtəlif otaqlara apardılar. Məni dindirdilər və cavablarım polislərin xoşuna gəlmədiyinə görə başımdan vurdılar.
Onlar mənim çantamı axtarmağa başlayanda etiraz etdim və Pərviz adlı əməkdaş mənə şillə vurdu. Məni çox nalayiq sözlərlə təhqir etdilər, sonra saçlarımdan tutub otaqdan çıxardılar", - Mehdiyeva yerli KİV-ə müsahibəsində bildirib.
Onun sözlərini digər fəal Nərmin Şahmarzadə də təsdiqləyib. Onun sözlərinə görə, qızlara fiziki təzyiqlərdən və təhqirlərindən sonra, onları Polis İdarəsinin qapısına sürtdükləri boyanı silməyə məcbur etmək istəyiblər. Amma tezliklə yuxarıdan zəng gəlib ki, saxlanılanları buraxsınlar və polislər "quzu"ya dönüblər”- fəal deyib.
Daxili İşlər Nazirliyinin mətbuat xidmətindən Turan agentliyinə aksiya iştirakçılarına qarşı zorakılıq və saxlanma haqda məlumatı təkzib ediblər.
Xatırladaq ki, aksiya vətəndaş Sevinc Məhərrəmova ilə bağlı hüquq-mühafizə orqanlarının fəaliyyətsizliyinə etiraz olaraq keçirilib. Qadın hələ mart ayında ərindən polisinə şikayət edib. Lakin polisdə və məhkəmədə onu "barışığa" və ailəyə qayıtmağa məcbur ediblər. Avqustun 3-də əri tərəfindən öldürüldü.—16D06-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz