Bakı İstintaq Təcridxanasında saxlanılan fəal Fərəməz Allahverdiyev avqustun 22-dən etibarən barəsində çıxarılmış hökmə etiraz əlaməti olaraq aclıq aksiyasına başlayıb. Bu barədə Turan-a məhbusun qardaşı Qurban Allahverdiyev bildirib.
Xatırladaq ki, avqustun 22-də Nizami rayon məhkəməsi Allahverdiyevi kütləvi iğtişaşlara çağırışlarda və dövlət sərhədini qanunsuz keçməkdə təqsirli bilərək, 4,5 il müddətinə azadlıqdan məhrum edib.
Xüsusən, Allahverdiyev facebook sosial şəbəkəsində elan edilmiş 11 mart 2011-ci il “Böyük Xalq Günü” aksiyası zamanı əhalini kütləvi iğtişaşlara çağırmaqda və Türkiyə sərhədini qanunsuz keçməkdə ittiham olunur. Allahverdiyev bu ittihamları təkzib edərək, onları qondarma adlandırıb.
Məhbusun qardaşı yerli və beynəlxalq təşkilatları Allahverdiyevin hüquqlarını müdafiə etməyə və ona müstəqil vəkil tutmağa çağırıb, belə ki, məhkəmədə onu dövlət vəkili müdafiə edib.
Bundan başqa, Allahverdiyevin qardaşı ailəsinin maddi vəziyyətinin ağır olmasından gileylənib, ailənin nəinki vəkil tutmağa, mənzil kirayələməyə belə vəsaiti yoxdur.
F.Allahverdiyev həbsdən azad edilməsi tələbi ilə aclıq aksiyası keçirir.
F.Allahverdiyev hesab edir ki, onu sosial şəbəkələrdə “İtaliyaya göndərilən Azərbaycan neftinin taleyi” və “Rusiyadan idxal edilən şam ağacları haraya gedir?” məqalələrini yerləşdirdiyinə görə təqib edirlər. Məqalələrdə o, hakimiyyətin yüksək eşelonlarında korrupsiya faktlarını araşdırır.
O, öz materiallarını “Nota Bene”, “Millətim” və s. qəzetlərdə dərc etdirib.
Allahverdiyev dəfələrlə şərəf və ləyaqəti təhqir şikayətlərinin obyekti olub, iki dəfə bu səbəbdən həbs cəzasına məruz qalıb. O, həbsdə etirazını ağzını tikmək, dəmir qaşıq udmaq və s. kimi kəskin ifadə etmək metodları ilə məşhurdur. -06D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz