Kür daşqınlarından əziyyət çəkən vətəndaşların mübarizəsi davam edir. 2010- cu ilin yazında baş vermiş Kür- Araz daşqınlarının təsirinə məruz qalmış, mülkiyyət hüquqları bu günə qədər bərpa olunmamış sakinlərin məhkəmə çəkişməsi davam edir.
Hələ 2 il öncə, 2010- cu ilin oktyabr ayından məhkəmələrə müraciət edən 100-dən çox adamın iddiasına baxılması prosesi məhkəmələrin süründürməçiliyi ucbatından yekunlaşmayıb.
“Kür” Vətəndaş Cəmiyyəti Qərargahı tərəfindən iddia sənədləri hazırlanıb məhkəmələrə təqdim olunan 128 nəfərin iddiasına öncə 1 saylı İnzibati İqtisad Məhkəməsində baxılıb. Məhkəmə baxışı zamanı 30 nəfər sakinin iddiası həllini tapıb. 2 nəfər iddiasını geri götürüb.
Hazırda 96 nəfərin iddiası ilə bağlı 1 saylı İnzibati İqtisad Məhkəməsi hakimiyyətin siyasi qərarı ilə işlərə baxılmasını 2010- ci ilin aprel ayından başlayaraq Şirvan İnzibati İqtisad Məhkəməsinə göndərib. Sonuncu instansiya isə sənədləri Şirvan Apelliyasiya Məhkəməsinə göndərərək işə baxmaqdan imtina edirdi. Nəhayət ki, Şirvan İnzibati İqtisad Məhkəməsi iddia sənədlərini məhkəmə baxışına qəbul edib və Kür daşqınları ilə bağlı ilk məhkəmə iclasını sentyabr ayının 3- nə təyin edib. Hakim Elxan Əmirəliyevin sədrliyi ilə keçirləcək ilk məhkəmə prosesində İmişli rayon sakinləri Elman Şahbazov, Əsəd Xəlilov və başqalarının Fövqəladə Hallar Nazirliyi və İmişli rayon İcra Hakimiyyətinə qarşı dəyən ziyanın ödənilməsi tələbinə dair iddialarına baxılacaq.
Kür- Araz daşqınları ilə bağlı məhkəmələrdə davam edən süründürməçiliklərlə yanaşı artıq bəzi iddialara baxılması prosesi yuxarı instansiyalara qədər gedib çıxıb və Ali Məhkəmə səviyyəsində baxılıb. Hətta daşqınlar zamanı təsərrüfatına ciddi ziyan dəymiş və dəyən ziyana uyğun dövlətin ayırdığı kompensasiyadan məhrum edilmiş Saatlı rayonundan bir nəfər fermerin şikayəti bir neçə gün öncə Avropa İnsan Hüquqları Məhkəməsinə göndərilib. Təsirə məruz qalmış fermer də hökümət komissiyasının və FHN- nin ona qarşı tutduğu ədalətsiz mövqedən narazılıq edir. Hazırda Sabirabad rayonundan daha bir neçə nəfərin də iddia sənədləri Avropa Məhkəməsinə hazırlanır.
Xatırladaq ki, Kür daşqınlarının təsirinə məruz qalan və məhkəməyə müraciət edən yerli sakinlərin hüquqları “Kür” Vətəndaş Cəmiyyəti Qərargahı tərəfindən qorunur. 2010- cu ilin yazında baş vermiş Kür- Araz daşqınlarının nəticələrinin aradan qaldırılması üçün dövlət büdcəsindən 460 milyon manatdan artıq vəsait ayrılıb. Ayrılan vəsaitlərin xərclənməsində yol verilən ayrı- seçkilik və korrupsiya hallarını ifşa etdiyinə görə “Kür” Cəmiyyətinin fəalları təqiblərə və həbslərə məruz qalıblar. Son 5 ayda “Kür” Cəmiyyətinin 3 fəalı həbs olunub. Cəmiyyətin koordinatoru Oqtay Gülalıyev həbsdən şərti azad olunsa da haqqında açıq cinayət işi var və ev dustağıdır. Digər fəallar İlham Əmiraslanov və Mirabad Rzayev isə hələ də qanunsuz olaraq həbsdədir.
Bütün bunlara baxmayaraq “Kür” Vətəndaş Cəmiyyəti Qərargahı öz fəaliyyətini davam etdirir və daşqınların təsirinə məruz qalan, hüquqları pozulmuş vətəndaşların hüquqlarını müdafiə edir. -0-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz