![Bakı və Minsk əmtəə dövriyyəsinin azalması fonunda əməkdaşlığı genişləndirmək niyyətindədir](https://turan.az/resized/750/500/resize/media/2012/main/082700008902.jpg)
Bakı və Minsk əmtəə dövriyyəsinin azalması fonunda əməkdaşlığı genişləndirmək niyyətindədir
Avqustun 27-də Minskdə Belarus baş nazirinin müavini Vladimir Semaşko və Azərbaycan baş nazirinin müavini Yaqub Eyyubovun sədrliyi ilə Belarus-Azərbaycan hökumətlərarası ticari-iqtisadi komissiyasının 7-ci iclası keçirilib. Bu barədə BELTA agentliyi məlumat yayıb.
Tərəflər müxtəlif sahələrdə əməkdaşlıq məsələlərini, əlaqələrin genişləndirilməsi yollarını, lizinq, Azərbaycana Belarus texnikasının göndərilməsi sahəsində əməkdaşlıq perspektivlərini nəzərdən keçiriblər.
İclasın yekunlarına əsasən “Amkodor” ASC və Gəncə avtomobil zavodu arasında əməkdaşlığın genişləndirilməsinə dair protokol imzalanıb.
Hazırda Gəncə zavodunda Belarus traktorları yığılır ki, burada ildə 800 maşın istehsal edilir. Zavodda MAZ yük avtomobili və texnika yığılır. Ötən il 650 maşın yığılıb. Azərbaycana böyük sayda avtomobil, kommunal, yol-inşaat texnikası lazımdır. Bu məqsədlə “Amkodor” ASC ilə istehsalat kooperasiyasının inkişafı nəzərdə tutulub.
Bundan əlavə, tərəflər İT-texnologiya, kosmik araşdırmalar, nano və bio-texnologiyalar sahəsində əməkdaşlığı canlandırmaq niyyətindədir. Azərbaycan Belarusun yüksək texnologiyalar Parkına böyük maraq göstərir.
2011-ci ildə Belarus-Azərbaycan əmtəə dövriyyəsi $1 mlrd.-dan çox təşkil edib (yeddi dəfə artıb), o cümlədən Belarus ixracı $200 mln. təşkil edib (43% artım). Azərbaycanda idxalda əsas yer avtomobil, traktor, meşə materiallarının payına düşüb.
2011-ci ildə Belarus Azərbaycana xam neft $816,4 mln., neft məhsulları - $3,9 mln., həmçinin tütün, meyvə, tərəvəz şirələri göndərib.
2012-ci ilin birinci yarısında əmtəə dövriyyəsinin azalması müşahidə olunur ki, bu da Azərbaycan neftinin Belarusa göndərilməməsi ilə bağlıdır. Həmçinin Azərbaycanın Gəncə avtomobil zavodunda yığılan MAZ avtomobillərinə dövlət sifarişi azalıb.
Nəticədə əmtəə dövriyyəsi $92,3 mln. təşkil edib və ötən ilin analoji dövrü ilə müqayisədə 84,1% azalıb. İxrac $85,7 mln.
(30,6% azalıb), idxal $6,6 mln. (98,5% azalma) təşkil edib. Bununla yanaşı 2012-ci ilin altı ayında maşınqayırma və əczaçılıq istisna olmaqla, demək olar ki, bütün sahələr üzrə ixrac artımı 10-44% təmin olunub.
Hökumətlərarası komissiyanın bövbəti iclası 2013-cü ildə Bakıda keçiriləcək. -0-
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz