Filadelfiyada tibb aviasiyasına məxsus təyyarə yaşayış ərazisinə çırpılıb, təyyarə  altı nəfər olub

ABŞ-ın CBS telekanalının cümə axşamı verdiyi məlumata görə, Pensilvaniya ştatının Filadelfiya şəhərində kiçik tibb aviasiyasına məxsus LEAR-55 tipli təyyarə yaşayış ərazisinə düşüb. Göyərtədə ekipaj üzvləri də daxil olmaqla altı nəfər olub.

Fox News-un məlumatına görə, qəza yerində yanğın baş verib, qaz boru kəməri zədələnib və bu, alovun yaşayış evlərinə yayılmasını daha da gücləndirib. Təyyarənin havaya qalxdıqdan cəmi 30 saniyə sonra radar ekranlarından itdiyi bildirilir.

Pensilvaniya qubernatoru Coş Şapiro sosial media platforması X-də verdiyi açıqlamada hadisə barədə məlumatlandırıldığını, Filadelfiyanın meri ilə danışdığını və yardım üçün zəruri resursların ayrılacağını vəd etdiyini bildirib.

Fövqəladə hallar xidmətləri yanğını söndürmək və xəsarət alanları müəyyən etmək üçün hadisə yerində iş aparır. Hakimiyyət orqanları hələlik göyərtədə olan şəxslərin vəziyyəti və yerüstü mümkün qurbanlar barədə dəqiq məlumat verməyib.