Anar Məmmədli
1 saylı Bakı İstintaq Təcridxanasında saxlanılan hüquq müdafiəçisi Anar Məmmədlinin səhhətinin getdikcə pisləşməsinə baxmayaraq, ona adekvat tibbi yardım göstərilmir. Bu barədə Turan-a vəkil Elçin Sadıqov təcridxanada Məmmədliyə baş çəkdikdən sonra bildirib.
Onun sözlərinə görə, son vaxtlar Məmmədlidə güclü başgicəllənmələr başlayıb. Səhhətindəki ciddi geriləməyə baxmayaraq, onu lazımi səviyyədə müalicə etmirlər.
Penitensiar Xidmətin nümayəndələrindən şərh almaq mümkün olmayıb.
* Anar Məmmədli aprelin 29-da saxlanılıb, aprelin 30-da isə Cinayət Məcəlləsinin 206.3.2-ci maddəsilə (qabaqcadan əlbir olan bir qrup şəxs tərəfindən qaçaqmalçılıq) ittiham olunub
Bir sıra beynəlxalq təşkilatlar, eləcə də ABŞ Dövlət Departamenti Azərbaycan hökumətini Məmmədlini və həbs olunmuş digər şəxsləri dərhal azad etməyə çağırıb. Noyabrın 20-də məhkəmə Məmmədlinin həbs müddətini daha 3 ay uzadıb.
Anar Məmmədli seçki hüquqları ilə məşğul olan Seçkilərin Monitorinqi və Demokratiyanın Tədrisi Mərkəzinin qeyri-hökumət təşkilatının rəhbəridir. O, Azərbaycanda seçkilərə dair tənqidi hesabatların müəllifidir ki, bu da hakimiyyəti son olduqca qıcıqlandırır.
Siyasət
-
Dövlət başçısının sərəncamı ilə Rüfət Əzizov Azərbaycan Dövlət Neft və Sənaye Universitetinin rektoru təyin edilib.
-
Azərbaycanda amnistiya aktının qəbuluna ehtiyac var. Bu barədə fevralın 3-də Milli Məclisin iclasında Regional məsələlər komitəsinin sədri Siyavuş Novruzov bildirib.
-
“Azel” TV saytının rəhbəri, Azərbaycana ekstradisiya məqsədilə Gürcüstanda həbs olunmuş Əfqan Sadıqov fevralın 2-dən quru aclığa başlayıb. Bu barədə Turan-a onun xanımı Sevinc Sadıqova bildirib. Fevralın 2-də o, Əfqan Sadıqov ilə telefonla danışıb.
-
Həştərxan üzərində hava məkanının müntəzəm bağlı olması ilə əlaqədar AZAL dövlət aviaşirkəti uçuşların təhlükəsizliyi üçün Bakı–Həştərxan–Bakı marşrutu üzrə bütün reysləri qeyri-müəyyən müddətə dayandırır. Bu barədə fevralın 3-də AZAL Azərbaycan dövlət aviaşirkəti bildirib.
Rəy yaz