Rəsmi qəzetlər bütün ölkənin dinamik inkişaf etməsi haqda məqalələrə üstünlük verib, “Yeni Azərbaycan” qəzeti isə ölkənin aparıcı müxalifət liderlərini eks-prezident Əbülfəz Elçibəyin zəhərlənməsində ittiham edir.
“Azadlıq” qəzeti Lənkəranda “Gilan Holdinq”ə məxsus zavodun yanması xəbərini ilk səhifəyə çıxarıb və zavodun yandırılması haqda iddialar olduğunu yazıb.
Qəzetin yazdığına görə, “London taksi”lərinə gündəlik haqqın artırılmasına etiraz olaraq sürücülər nazirlik önündə aksiya keçirməyə hazırlaşırlar.
Qəzet rəsmi Bakının eks-prezident Əbülfəz Elçibəyin zəhərlənməsini araşdırmaq adı ilə başladığı istintaq çərçivəsində dindirmələrin davam etdiyini, indiyə kimi 7 nəfərin dindirildiyini bildirir. Eks-prezident Əbülfəz Elçibəyin zəhərlənməsi məsələsilə bağlı qəzetə açıqlama verən Türkiyənin keçmiş səhiyyə naziri Osman Durmuş eks-prezidentin xərçəng metastazından zəhərləndiyini bildirib. Qəzet qeyd edir ki, eks-prezident Əbülfəz Elçibəyi AXCP sədri Əli Kərimlinin zəhərləməsi haqda rəsmi Bakının iddialarına vətəndaş cəmiyyəti institutları sərt etirazlar ifadə edirlər. Qəzetin yazdığına görə, İrlandiyanın “İrish İndependent” qəzeti dövlət başçısı İlham Əliyevi “qəddar diktator” adlandırıb.
“Zerkalo” qəzeti çağdaş mürəkkəb geosiyasi qarşıdurmaların nəticəsinin Azərbaycanın mövqeyindən asılı olmadığını nəzərə çatdırmaqla, “başlıcası qaliblərin arasında olmağı bacarmaqdır” tezisini önə çəkir.
“Ekspress” qəzeti yazır ki, İranın Azərbaycan əslilli müğənnisi Ququrşun “Gedək üzü küləyə” mahnısını erməni mahnısı kimi təqdim etməsinə Müəllif Hüquqları Agentliyi etiraz edib.
Qəzet son 6 ayda istehsalatda 28 nəfərin öldüyünü yazır.
Qəzetin yazdığIna görə ölkə, bazarlarda dana ətinin qiyməti 1 manat bahalaşıb.
Qəzet Liberal, Milli İstiqlal, Xalq Cəbhəsi və Açıq Cəmiyyət partiyaları arasında yeni birlik yaratmaq üçün gizli danışıqlar getdiyini iddia edir.
“Exo” qəzeti Azərbaycanda yol salınmasının 1 km-nin 18 milyon dollara başa gəldiyini yazaraq, bunu “dünyanın ən bahalı yolları” adlandırır və “hələ pullu da ola bilər” qənaətini ifadə edir.
Qəzetin yazdığına görə, Bakıda heç kəsin istifadə etmədiyi yeni tikililərin dəyəri 600 milyon manata, sayı 122-yə çatır.
“Bizim yol” qəzeti Bakıda aparılan kütləvi söküntülərin torpağı qiymətdən saldığını nəzərə çatdırır.
Qəzet yeni tədris ilinin başlanmasına yaxın kirayə evlərin və məktəbli ləvazimatlarının bahalaşdığı xəbərdarlığı edir.
Qəzetin yazdığına görə, ötən şənbə-bazar günlərində yol qəzalarında 11 nəfər həlak olub.
“Novoe Vremya” qəzeti rəsmi Bakının Tehran sammitində iştirak etməməsini iki ölkə arasında “böhranın sonunun görünməməsi” kimi dəyərləndirir.
“Yeni Müsavat” qəzeti nazir Kəmaləddin Heydərova məxsus “Gilan Holdinq” tərkibindəki konserv zavodunun yanması xəbərini manjetə çıxarıb.
Bakıda unun bahalaşdığını yazan qəzet bununla bağlı İqtisadi İnkişaf Nazirliyinin monitorinqlərə başladığını nəzərə çatdırır.
Cəmiyyət
-
Dekabrın 22-də "Keşlə bazar"ında fəaliyyət göstərən satıcılar etiraz aksiyası keçiriblər. Onlar yanvarın 1-dən bazarın bağlanmasına etiraz ediblər.
-
Dekabrın 24-də paytaxtda yağıntı gözlənilmir. Səhər və axşam bəzi yerlərdə duman olacaq. Cənub-qərb küləyi əsəcək, axşam şimal-qərb küləyinə keçəcək.
-
Lider mobil operator yerli bazarda tokenləşdirilmiş balans artımını təklif edən ilk mobil operator oldu Ən innovativ rəqəmsal həlləri müştəriləri üçün əlçatan etməyi hədəfləyən Azercell bu dəfə mobil ödənişlərin asanlığı təmin edir. Lider mobil operator “Apple Pay” və “Google Pay”in “Azercell” mobil tətbiqinə inteqrasiyasını reallaşdırır.
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
Rəy yaz