Bakı/18.09.17/Turan: Sentyabrın 18-də Bakı Apellyasiya Məhkəməsi jam.az saytının rəhbəri Fikrət Fərəməzoğlunun (İbişbəyli) barəsində hökmü qüvvədə saxlayıb.
Jurnalist 2016-cı ilin iyulunda həbs edilib. Ona qarşı CM-in 182-ci maddəsi (hədə-qorxu yolu ilə pul tələb etmək) ilə ittiham irəli sürülüb. Bu il yanvarın 14-də Bakı Ağır Cinayətlər Məhkəməsi F.Fərəməzoğlunu 7 il azadlıqdan məhrum edib. İstintaqın versiyasına görə, F.Fərəməzoğlu müxtəlif iaşə obyektlərinin restoranlarından, masaj salonlarından pul tələb edib. Əslində jurnalistin bildirdiyinə görə, həmin obyektlərdə əxlaqsızlıq yuvaları olub.
Hökmdən şikayət verilib və sentyabrın 18-də Apellyasiya Məhkəməsi şikayəti təmin etməyib.
F.Fərəməzoğlu məhkəmə iclasında yenidən bildirib ki, 3 min manat məbləğində pulu onun üzərinə polis əməkdaşları özləri qoyublar. O, diqqəti ona yönəldib ki, pul verilməsi faktını təsdiqləyən operativ çəkiliş, audioyazı yoxdur.
Vəkil Zibeydə Sadıqova hesab edir ki, birinci instansiya məhkəmə obyektiv araşdırma aparmayıb və jurnalistin günahsız olduğuna sübut kimi göndərilən vəsatətlərin heç birini təmin etməyib.
O həmçinin F.Fərəməzoğlunun evində aparılan axtarışın qanunsuz olduğunu bildirib.
Onun özü, vəkili, nə də şahidlər axtarışda iştirak etməyiblər. Mənzildən F.Fərəməzoğlunun uşaqlarının cizgi filmi diskləri də götürülüb.
Ancaq Apellyasiya Məhkəməsi müdafiə tərəfinin sübutlarını diqqətə almayıb. Vəkil bildirib ki, müdafiə tərəfi Ali Məhkəməyə kassasiya şikayəti verəcək. 06D--
Cəmiyyət
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
-
Bakının məşhur restoranlarından olan “Şuşa” restoranın söküntüsü davam etdirilir. Bu gün səhər saatlarında bir neçə ekskavator restoranının ətrafında söküntü işlərini davam etdirib.
-
Mobil operator sənaye təhlükəsizliyi və rifah sahəsində nümunəvi fəaliyyətinə görə təltif edildi “Azercell Telekom” MMC “Sənaye Təhlükəsizliyi Zirvəsi”ndə “İşçi Rifahı 2024” mükafatı ilə təltif edilib. Tədbir Fövqəladə Hallar Nazirliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun və “Azərbaycan Sənaye Təhlükəsizliyi Assosiasiyası” İctimai Birliyinin birgə təşkilatçılığı ilə baş tutub. Belə ki, münsiflər heyəti lider mobil operatorun SƏTƏM (Sənaye Əməyin Təhlükəsizliyi və Ətraf Mühitin Mühafizəsi) sahəsində fəaliyyətini yüksək qiymətləndirib. Azercell işçi rifahı, sənaye təhlükəsizliyi, ətraf mühit standartlarının təkmilləşdirilməsi və iqlim dəyişikliyi ilə mübarizə istiqamətində həyata keçirdiyi layihələrlə fərqlənib.
Rəy yaz