Bakı/09.01.23/Turan: Ötən gün Bakının Qaradağ rayonundakı “Sədərək” Ticarət Mərkəzində baş vermiş yanğın nəticəsində onun “Şirniyyat” adlanan hissəsində ümumi sahəsi 1700 kvadrat metr olan 20 mağaza yanıb. Bu barədə yanvarın 9-da Azərbaycan Fövqəladə Hallar Nazirliyi bildirib. Ticarət Mərkəzi yanğından mühafizə olunub. Yanğın nəticəsində 4 nəfər yanma məhsullarından zəhərlənib, bir nəfər isə yüngül bədən xəsarəti alıb.
Yanğının səbəbləri araşdırılır. 16D
* * *
2023 Yanvar 08 (Bazar) 21:44:27
“Sədərək” ticarət mərkəzində güclü yanğın
Bakı/08.01.23/Turan: Bazar günü saat 18:20-də paytaxtın ən böyük ticarət mərkəzində - Sədərəkdə yanğın baş verib.
Fövqəladə Hallar Nazirliyindən verilən məlumata görə, yanğının söndürülməsinə 30 texnika və 130 yanğınsöndürən cəlb olunub.
Yanğınla mübarizə bir neçə saata yaxın davam edib. Yanğın geniş ərazini əhatə edib. Bir neçə ticarət obyekti, xüsusən də divar kağızı satılan mağazalar yanıb Polis ərazini mühafizə altına alıb. Yanğının səbəbi barədə məlumat verilmir. Saat 22 olan məlumata görə, 3 nəfər yanma məhsullarından zəhərlənib. -02D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz