Bakı/06.05.20/Turan: Anews.az xəbərlər saytının müxbiri Zaur Qəmbərov Dövlət Sosial Müdafiə Fondunun (DSMF) Gədəbəy rayon şöbəsinin müdiri Elsun Xudaverdiyev və onun sürücüsü İsfəndiyar Qələndərov tərəfindən döyülüb. Hadisə mayın 4-də, Z.Qəmbərov daxil olan şikayəti araşdırmaq üçün DSMF şöbəsinə gedərkən baş verib.
Anews.az-ın məlumatında deyilir ki, DSMF rəhbərinin müavini İbrahim Ələsgərovla söhbət zamanı Qələndərov otağa girib və jurnalisti təhqir etməyə başlayıb.
Qələndərov jurnalisti hədələyib və dəhlizə çıxaraq orada “haqq-hesab çəkməyə” çağırıb.
Dəhlizdə Qələndərov jurnalisti təhqir etməyə davam edib. Orada olan Xudaverdiyev görüb ki, jurnalist hadisəni mobil telefonuna qeyd edir, telefonu müxbirin əlindən alıb, sonra onu yerə yıxaraq təpikləyib. Müxbir telefonunu almağa çalışarkən məmur onu əli ilə vurub.
Münaqişə bir müddət davam edib və müxbir Xudaverdiyev və onun sürücüsü tərəfindən fiziki təzyiqə məruz qalıb.
Redaksiya insident ilə əlaqədar Əmək və Əhalinin Sosial Müdafiəsi Nazirliyinə müraciət edib. Lakin bu qurumda müxbirin özünü günahandırıblar ki, şöbənin rəisi İbrahim Ələsgərovun otağına girərək məmuru təhqir edib.
Redaksiya sındırılmış telefonu və Qəmbərovun qanlı əllərinin fotosunu nazirliyə təqdim edib, baş verənlər isə DSMF-nin videomüşahidə kameraları tərəfindən qeydə alınıb.
“Şübhə etmirik ki, Elsun Xdudaverdiyev kimilərin nazirlik rəhbərliyi tərəfindən cəzasız qalması özlərini vətəndaşlara və jurnalistlərə qarşı belə qanunsuz və hüquqazidd aparmalarına rəvac verən amillərdəndir”, - redaksiyanın bəyanatında deyilir.
Sayt hüquq- mühafizə orqanlarına müraciət edərək Xudaverdiyev və sürücüsünün məsuliyyətə cəlb edilməsini xahiş edib. Redaksiya həmçinin Azərbaycan prezidenti İlham Əliyevə müraciət edərək Gədəbəy rayonunda özbaşınalıq edənlərin cəzalandırılması üçün yardım göstərilməsini xahiş edib.
Qarşı tərəfdən şərh almaq mümkün olmayıb.—06D-
Cəmiyyət
-
Mayın 6-da Bakıda və Abşeronda buludlu hava şəraitinin üstünlük təşkil edəcəyi gözlənilir. Axşam və gecə saatlarında yağış yağacağı, şimşək çaxacağı. Şimal-qərb küləyi əsəcək.
-
Mədəni müxtəlifliyi və dini tolerantlığı ilə tanınan Azərbaycanda pravoslav xristianlar ən əlamətdar və sevincli bayramlarından birini - Pasxa bayramını qeyd ediblər. Mayın 4-dən 5-nə keçən gecə Bakıda və digər bölgələrdəki pravoslav kilsələrində bayram adət-ənənələri və ayinləri ilə zəngin bayram tədbirləri keçirilib.
-
Mayın 4-də Sumqayıt şəhərində polis əməkdaşları məhkəmənin qərarını icra edərək Azərbaycan siyasətçisi və alimi Qubad İbadoğlunun evində ona hərəkətlərinə məsafədən aramsız nəzarət etməyə imkan verən elektron qolbaq tətbiq ediblər. Bu elektron nəzarət vasitəsinin tətbiq olunması İbadoğlunun yerdəyişmələrini müəyyən ərazi ilə məhdudlaşdırmaqla onun hüquqi problemlərinin davam etdiyini göstərir.
-
İyun ayında çimərlik mövsümü açılacaq, Gigiyena və Epidemiologiya Mərkəzi bəzi çimərliklərdə dəniz suyunun çirkləndiyini, digərlərində təmiz olduğunu elan edəcək. Hər il Abşeron çimərliklərində dəniz suyunun bakterioloji göstəriciləri əvvəlki kimi qalır: yarımadanın şimal sahili nisbətən təmizdir, Bakı, Sumqayıt, Yalama və Xaçmaz yaxınlığındakı çimərliklər isə dənizə girənlərə ağır xəstəliklər bəxş edə bilər.
Rəy yaz