Bakı/26.08.19/Turan: "Gəncə işi"nin fiqurantlarından biri Vüqar Yusifov KİV-ə istintaqda işgəncələr haqqında açıq məktub göndərib.
Yusifov işinə Bakının Sabunçu Rayon Məhkəməsində hakim dadaş İmanovun sədrliyi ilə baxılan 8 nəfərlik qrupa daxildir.
Müttəhim yazır ki, 2018-ci il iyulun 10-da telefon almaq üçün Şəmkirdən Gəncəyə gəlib. Mağazalar bağlandığı üçün telefon ala bilməyib. Sosial şəbəkələrdə mitinq haqqında məlumatı oxuyan Yusifov yol yoldaşına administrasiya tərəfə gedib nə baş verdiyinə baxmağı təklif edib.
10-15 dəqiqə sonra icra hakimiyyətinin yanında getməyə hazırlaşanda gözlənilmədən qışqırıq səsləri gəlməyə başlayıb. O, iki nəfərin yerdə uzandığını, bir nəfər isə əlində qılıncla dayanıb.
"Nə baş verdiyini bilmək üçün həmin istiqamətə tərəf addımladım. Mən ora çatanda qəfildən insanlar çoxaldı. Mən kütlənin içində tanışım Elişi axtarmağa başladım. Videogörüntülərdə də açıq-aydın görünür ki, mən kimisə axtarıram.
İki polisi öldürməkdə ittiham olunan Rəşad Böyükkişiyev mənim yanımdan keçib. Bu kadrdan istintaqda mənə qarşı ittiham kimi istifadə olunub", deyə Yusifov yazır.
İyulun 23-də o saxlanılıb və polis bölməsinə aparılıb, burada uzun müddət onu döyüblər və hansısa kağızları imzalamağa məcbur ediblər. İstintaqın ona verdiyi vəkil də kağızları oxumadan imzalayıb.
Telefonuna baxış və evində axtarış zamanı qanunsuz heç nə tapmayıblar. Bununla belə, Yusifovu qətl hazırlamaqda, kütləvi iğtişaşlarda iştirakda, qanunsuz silah dövriyyəsində və polisə qarşı zorakılıqda ittiham ediblər.
"Videoda görünür ki, meydanda gəzirəm və heç kimə toxunmuram, iğtişaşlarda iştirakdan necə söhbət gedə bilər?
Ümumiyyətlə, Gəncə şəhərində bir nəfər olsun adam tanımıram. Hadisə 2018-ci il iyul ayının 10-da olub. Məni isə 23.07.2018-ci il tarixində gəlib öz işlətdiyim çay evindən aparıblar. Mən özümü təqsirli bilsəydim bu 13 gün ərzində harasa qaçıb gedərdim və yaxud 18.07.2018 tarixində öz avtomobilimlə qızımı Gəncə şəhərinə qəbul imtahanı verməyə gətirməzdim", deyə Yusifov yazır.
* 2018-ci il iyulun 3-də Gəncədə şəhərin o vaxtki icra başçısı Elmar Vəliyevə qarşı sui-qəsd törədilib. Gəncə sakini Yunis Səfərov şəhər icra başçısını və onun cangüdənini yaralayıb.
Bundan sonra sosial şəbəkələrdə iyulun 10-na Gəncə administrasiyasının binası qarşısında Vəliyevə qarşı etiraz aksiyası təyin edilib. Elə həmin gün DİN Gəncədə iğtişaşlar baş verdiyini, iki polis əməkdaşının qətlə yetirildiyini bildirib. Bunun ardınca dindarlar və digər şəxslər arasında kütləvi həbslər aparılmağa başlayıb.
2019-cu il iyulun 31-də baş prokuror Zakir Qaralov bu idarədə keçirilən müşavirədə bildirib ki, E.Vəliyevə qarşı sui-qəsdlə bağlı mütəşəkkil cinayətkar qrupun 29 üzvü cinayət məsuliyyətinə cəlb edilib, 11 nəfər barəsində beynəlxalq axtarış elan edilib.
10 iyul hadisələri ilə bağlı 60 nəfər barəsində 8 cinayət işi üzrə istintaq yekunlaşıb və işlər məhkəmələrə göndərilib. Təqsirləndirilən şəxslər müxtəlif müddətli azadlıqdan məhrumetmə cəzalarına məhkum edilib. -06D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz